मुरलीधर मोहोळ झाले पुण्याचे महापौर : घसघशीत मतांनी विजय

...
murlidhar mohol pune new mayor
murlidhar mohol pune new mayor

पुणे : पुण्याच्या महापौरपदी मुरलीधर मोहोळ यांची बहुमताने निवड झाली. या निवडणुकीत मोहोळ यांना ९९ मते मिळाली तर; राष्ट्रवादी-कॉंग्रेस-शिवसेनेचे प्रकाश क़दम यांना ६०  मते मिळाली.

या निवडणुकीत शिवसेनेने राष्ट्रवादी कॉंग्रेस आणि कॉंग्रेसशी हातमिळवणी केली. तर, मनसे तटस्थ राहिली. महापालिकेचया सभागृहात निवडणूक निर्णय अधिकारी कौस्तुभ दिवेगावकर यांच्या अध्यक्षतेखाली ही निवडणूक झाली. निवडणूक प्रक्रिया सुरू होताच, उमेदवारी अर्ज मागे घेण्यास १५ मिनिटांचा वेळ दिला. त्यात कोणीही माघार घेतली नाही. त्यानंतर मतदान झाले.

महापालिकेत भाजपचे ९९, राष्ट्रवादीचे ४१. कॉंग्रेसचे १० नगरसेवक आहेत. तर, शिवसेनेकडे १०, मनसे २ तर, एमआयएमचा १ असे १६३ नगरसेवक आहेत. या निवडणुकीसाठी सर्वच राजकीय पक्षांनी ‘व्हिप’ काढला होता. महापौरपद खुलया गटासाठी (सर्वसाधारण) आरक्षित होते. त्यासाठी पक्षाने मोहोळ यांना संधी दिली.

राज्यात शिवसेना, राष्ट्रवादी काॅंग्रेस आणि काॅंग्रेस यांचे सरकार सत्तेवर येण्याआधीच पुण्यात तीनही पक्षांची नवीन महाविकास आघाडी अस्त्तित्त्वात आली. पुण्याने अशी आघाडी करण्यात आघाडी घेतली. त्यामुळे आता पुण्याच्या राजकारणातही नवीन समीकरणे यापुढे दिसू शकतील. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com