कोथरूडला डावललेल्या मुरलीधर मोहोळांना महापौरपदी संधी

एकाच टर्ममध्ये स्थायी समिती अध्यक्षपद आणि महापौरपद मिळणारे बहुधाएकमेव नगरसेवक
कोथरूडला डावललेल्या मुरलीधर मोहोळांना महापौरपदी संधी

पुणे : पुण्याच्या नव्या महापौरपदासाठी भाजपने मुरलीधर मोहोळ यांचे नाव निश्चित केले आहे. कोथरूड विधानसभा मतदारसंघासाठी डावललेल्या मोहोळ यांना आता पुण्याचा प्रथम नागरिक होण्याचा मान मिळणार आहे. त्यांनी 2017-18मध्ये स्थायी समितीचे अध्यक्ष म्हणून काम पाहिले होते. 

पुण्याच्या नव्या महापौर आणि उपमहापौरपदाच्या निवडणुकीसाठी आज  सोमवारी  (ता.18) अर्ज भरण्यात येणार आहेत. भाजप आणि दोन्ही कॉंग्रेसचे उमेदवार आपापले अर्ज भरतील. तर, राज्यातील बदलत्या राजकीय स्थितीत शिवसेना काय भूमिका घेणार ? हे अजूनही गुलदस्त्यात आहे. त्यामुळे महापौरपदाच्या निवडीवरूनही नवी राजकीय समीकरणे आकारला येण्याची चिन्हे आहेत. मात्र शिवसेनेचे या महापलिकेत 10 सदस्य आहेत. 

महापौर मुक्ता टिळक आणि उपमहापौर डॉ. सिध्दार्थ धेंडे यांची मुदत संपत आल्याने या पदांसाठी येत्या 22 नोव्हेंबरला निवडणूक होणार आहे. त्यासाठी सोमवारी अर्ज भरण्याची मुदत आहे. महापालिकेत भाजपकडे बहुमत असून, या पक्षाचे 99 नगरसेवक आहेत. त्यामुळे महापौर आणि उपमहापौरपद भाजपकडेच आहे. दरम्यान, अर्ज भरण्यासाठी उपस्थित राहण्याबाबत भाजपने "व्हीप' काढला आहे. 

सकाळी नावे जाहीर होणार 
दोन्ही कॉंग्रेसच्या आघाडीतर्फे महापौर आणि उपमहापौरपदांसाठी उमेदवार दिले जाणार आहेत. त्यासाठी राष्ट्रवादी महापौर तर कॉंग्रेस उपमहापौरपदाचा उमेदवार देणार आहे. या निवडणुकांत शिवसेनेची साथ मिळविण्याचा दोन्ही कॉंग्रेसचा प्रयत्न असल्याचे सांगण्यात येत आहे. भाजपसोबत राहणार नसल्याचे सांगणाऱ्या शिवसेनेने कॉंग्रेस आघाडी साथ देण्याबाबतही भूमिका मांडलेली नाही. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com