अमृता फडणवीसांना फेसबुकवर शिवीगाळ करणाऱ्या महिलेला अटक; 'आयपी अ‍ॅड्रेस' तपासल्यावर...

मुंबई : भाजप नेते आणि राज्याचे उपमुख्यमंत्री देवेंद्र फडणवीस (Devendra Fadnavis) यांच्या पत्नी अमृता फडणवीस (Amruta Fadnavis) यांच्याबद्दल आक्षेपार्ह टिप्पणी करणाऱ्या एका महिलेला अटक करण्यात आली आहे. या महिलेने फेसबुकवर आपले बनावट अकाऊंट तयार करत अमृता यांना आक्षेपार्ह शब्दात शिवीगाळ केली होती. याप्रकरणी सायबर पोलिसांनी ठाण्यातून संबंधित महिलेला अटक केली आहे. (Amruta Fadnavis Latest News)

अमृता फडणवीस या सोशल मीडियावर सक्रिय असतात. त्यांनी ७ सप्टेंबरला आपल्या फेसबुक अकाउंटवर एक पोस्ट टाकली होती. त्या पोस्टवर एका फेसबुक युजरने आक्षेपार्ह भाषेच कमेंट करत शिवीगाळ केली होती. याप्रकरणी पोलीस ठाण्यात तक्रार दाखल करण्यात आली होती. यानंतर ही पोस्ट काढून टाकण्यात आली. मात्र अज्ञात व्यक्तीविरोधात गुन्हा दाखल कऱण्यात आला होता. पोलिसांनी तपास सुरु केला होता. यामध्ये संबंधित एका महिलेने आपली ओळख लपवण्यासाठी गणेश कपूर या नावाने अकाऊंट तयार केले होते. मात्र पोलीस तपासात आयपी अ‍ॅड्रेस आणि मोबाइल एका महिलेच्या नावावर असल्याचं उघड झालं असून ही महिला ठाण्यातील रहिवासी असल्याचं समजते. या प्रकरणी रात्रीच तिला अटक कण्यात आली आहे. या महिलेने याआधीही अनेकदा अशा भाषेत कमेंट केल्याची माहिती समोर आली आहे. याप्रकरणी पोलीस तपास करत आहेत.

दरम्यान, अमृता फडणवीस या सोशल मीडियावर सक्रिय असतात. त्या आपलं मत व्यक्त करत असतात. त्यावर अनेकदा त्यांना ट्रोल केलं जात. मात्र त्या त्याकडे दुर्लक्ष करतात. मात्र संबंधित महिलेने त्यांच्यावर आक्षेपार्ह शब्दात शिवीगाळ केल्याने याप्रकरणी गुन्हा दाखल करण्यात आला होता.