राहूल गांधी पहिल्यांदाच येणार शिवाजी पार्कवर ?

मुंबई : काँग्रेस पक्षाचा (Congress) येत्या 28 डिसेंबरला स्थापना दिवस आहे. त्यानिमित्ताने या कार्यक्रमासाठी काँग्रेस नेते राहुल गांधी (Rahul Gandhi) यांनी शिवाजी पार्कवर (Shivaji Park) यावे यासाठी त्यांना निमंत्रण दिले असल्याचे मुंबई काँग्रेस अध्यक्ष भाई जगताप (Bhai Jagtap) यांनी सांगितले. त्यांच्याशी ही भेट काँग्रेसच्या राष्ट्रीय कार्यकारिणीनंतर त्यांच्या 12 तुघलक लेन येथील निवासस्थानी झाली असल्याचे त्यांनी सांगितले.

भाई जगताप म्हणाले, मुंबई काँग्रेस अध्यक्षपदाचा कार्यभार घेतल्यानंतर काँग्रेस स्थापना दिवसाचा कार्यक्रम शिवाजी पार्कवर करण्याचे जाहीर केले होते. यापूर्वी काँग्रेसचे पक्षाध्यक्ष शिवाजी पार्कवर येऊन गेले आहेत. मात्र, राहुल गांधी हे अद्याप येथे आलेले नाहीत. याबाबत त्यांच्याशी चर्चा झाली असून त्यांनी काँग्रेस स्थापना दिवशी शिवाजी पार्कवर येण्याचा नक्की प्रयत्न करू, अशी सकारात्मकता त्यांनी दाखवली असल्याचे त्यांनी सांगितले.

राहुल गांधी शिवाजी पार्कवर आल्यास ही पहिलीच वेळ असेल..

या आधी काँग्रेस पक्षाचे अध्यक्ष हे शिवाजी पार्कवर येऊन गेले आहेत. मात्र, राहुल गांधी आतापर्यंत शिवाजी पार्कवर आलेले नाहीत. जगतापांच्या निमंत्रणाला स्वीकारत राहूल गांधी जर, आले तर, त्यांचा या ठिकाणी पहिलाच कार्यक्रम असेल.

आगामी मुंबई महापालिका निवडणूकीच्या पार्श्वभूमीवर गांधी यांच्या सोबतच्या भेटीत कोणतीही राजकीय चर्चा झाली नसल्याचे जगताप ‌सांगितले आहे. मात्र, मुंबई महापालिका निवडणूकीच्या पार्श्वभूमीवर जगताप यांची ही भेट महत्वाची मानली जात आहे.