मुंबईवर आता गिधाडांची औलाद फिरायला लागली; उद्धव ठाकरेंचा सणसणीत टोला

मुंबई : आज एवढे आहेत, दसऱ्याला किती असले, दसरा आपला परंपरेप्रमाणे शिवतीर्थवरच होणार. रिकामी खुर्ची पाहिली. संजय राऊत यांची, मिंदे सगळे तीकडे गेले आहे. संजय राऊत (Sanjay Raut) मोडेल पण वाकणार नाही, या निच्छयाने लढत आहेत. दुसरे बघितले, आमचे वडील जागेवर आहेत ना, कारण मुलं पळवणारे पाहिले. मात्र, बाप पळवणारी अवलाद पहिल्यांदाच पाहिली, असा सणसणीत टोला उद्धव ठाकरे (Uddhav Thackeray) यांनी लगावला.

शिवसेनेतील बंडाच्या पार्श्वभूमीवर शिवसेना पक्षप्रमुख उद्धव ठाकरे यांची आज मुंबईतील गोरेगाव येथील नेस्को मैदानात गटप्रमुखांच्या मेळावा घेतला. यावेळी त्यांनी शिंदे गट, भाजपवर जोरदार निशाणा साधला. यावेळी उद्धव ठाकरे म्हणाले, मुंबईवर आता गिधाडांची औलाद फिरायला लागली आहे. मुंबईचा लचका तोडण्यासाठी फिरत आहेत. स्वराज्यावरती अनेकजण चालून आले होते. त्यातील आता अमित शहा, देशाचे गृहमंत्री. मुंबईत काय बोलले, शिवसेनेला (Shivsena) जमीन दाखवा. तुम्ही जमीन दाखवाच तुम्हाला आसमान दाखवल्या शिवाय राहणार नाही.

मुंबई संकटात असते तेव्हा ही गिधाडे कुठे असतात. मुंबई जमीन नाही, ही आमची मातृभूमी आहे. जो आमच्या अंगावर येईल त्याचा राजकारणात कोथळा बाहेर काढल्या शिवाय राहणार नाही. आईला गिळायला निघालेली आवलाद आहे. दसरा मेळावा येतोच आहे, तेव्हा बोलणार आहेच.

आज मुंबईवरती बोलणार आहे. कमळाबाईचा आणि मुंबईचा सबंध काय आहे, असा सवाल केला. कमळाबाई हा शब्द बाळासाहेबांचा आहे. मुंबईवर हक्क सांगू नका. वंशवाद कसला वंशवाद, मला माझ्या वंशाचा अभिमान आहे, मुंबईच्या लढ्यात माझे आजोबा होते. जनसंघाने समिती फोटली, ही त्यांची औलाद आहे.

आमची २५ वर्ष युतीमध्ये सडली. ही सगळी नालायक लोक आपण जिंकली. काही नसताना यांना पदे दिली. मराठी माणसासाठी तुमचा वशं कोणता, बावनकुळे की १५२ कुळे, असा टोला लगावला. ७० वर्षानंतर चित्ता आणला. काय जाहिराती सुरु होत्या. दार उघडल्यावर चित्ता करतो मॅव, असा चिमटा पंतप्रधान नरेंद्र मोदी यांना काढला.