Political News : ५० लाख परत मागणाऱ्या डॉक्टरमुळे ‘पीए’सह नेत्याची झाली पंचाईत !

Political News : पैसे परत मागण्यासाठी आलेल्या डॉक्टरच्या आक्रमक पवित्र्यामुळे कार्यालयात मोठा गोंधळ.
Political News
Political NewsSarkarnama

Political News : महाराष्ट्रातील (Maharashtra) एका दिग्गज नेत्याच्या मुंबईस्थित (Mumbai) शासकीय कार्यालयात 'विशिष्ट' कामासाठी दिलेले पैसे काम न झाल्यामुळे परत मागण्यासाठी आलेल्या व्यक्तीच्या आक्रमक पवित्र्यामुळे गुरुवारी मोठा गोंधळ झाला. संबंधित व्यक्तीची समजूत घालताना नेत्याच्या आस्थापनेवरील अधिकार्यांची चांगलीच दमछाक झाल्याची जोरदार चर्चा मंत्रालय परिसरात रंगली. स्वच्छ प्रतिमेसाठी संबंधित नेतृत्व सुप्रसिद्ध असल्याने राजकीय (Political) वर्तुळात हा मोठा चर्चेचा विषय ठरला.

संबंधित नेत्याच्या स्वीय सहाय्यकाने नाशिकच्या एका युनानी होमिओपॅथी डॉक्टरची केंद्रीय समितीवर सदस्य म्हणून वर्णी लावतो, असा शब्द दिला होता. त्याबदल्यात डॉक्टरने तब्बल ५० ते ६० लाख रुपये त्या स्वीय सहाय्यकाला दिले. त्यापैकी मोठा भाग बँक खात्यावर तर काही भाग रोखीने स्वीकारण्यात आला. मात्र, दोन वर्षे झाली तरी केंद्रीय समितीवर नियुक्ती न झाल्याने संबंधित डॉक्टरला आपली फसगत झाल्याचे निदर्शनास आले.

Political News
महाराष्ट्राच्या नादाला लागतो; त्याचा औरंगजेब होतो : शिवसेना उपनेते बानुगडेंचा विरोधकांवर हल्लाबोल

त्यामुळे आपल्यावर झालेल्या अन्यायाची दाद मागण्यासाठी डॉक्टरने काही दिवसांपूर्वी संबंधित नेत्याची मुंबईत शासकीय निवासस्थानी भेट घेऊन आपली कैफियत मांडली होती. तोपर्यंत संबंधित नेते या प्रकरणाबाबत पूर्णपणे अनभिज्ञ होते. स्वीय सहाय्यकाचा हा प्रकार ऐकून नेते अवाक झाले. आपल्या माघारी घडलेल्या या प्रकाराने त्यांना मोठा धक्काच बसला. त्यांनी तातडीने हस्तक्षेप केला आणि आस्थापनेवरील अधिकार्यांना विषय लवकर संपवण्याची ताकीदच दिली.

संबंधित नेत्यांनी त्या भामट्या स्वीय सहाय्यकालाही चांगलेच झापले. तसेच घेतलेले पैसे परत करण्याची तंबी दिली. स्वीय सहाय्यक पैसे जसे घेतले तसे मोठा भाग बँक खात्यावर आणि काही भाग रोखीने परत करायची तयारी दर्शविली. मात्र, आता डॉक्टरने रोखीने पैसे परत करण्याची अट घातली. त्यामुळे संबंधित नेते आणि त्यांच्या स्वीय सहाय्यकाचीही गोची झाली. आता रोखीने पैसे परत केले तर त्याचा पुरावा काय असा प्रश्न निर्माण होईल. डॉक्टरने पुढे जाऊन पुन्हा बँक खात्याचे पुरावे दाखवून प्रकरण वाढवले तर काय करायचे अशा पेचाने नेत्यासह त्यांच्या स्टाफची कोंडी झाली आहे.

Political News
Rahul Gandh : राहुल गांधींच्या भारत जोडो यात्रेमुळे काँग्रेसमध्ये नवचैतन्य...

त्यातनंतर डॉक्टरने गुरुवारी थेट मुंबई गाठत नेत्याच्या शासकीय कार्यालयात ठिय्या मांडला. डॉक्टरच्या आक्रमक पवित्र्यामुळे कार्यालयातील अधिकारी व कर्मचारी यांची पाचावर धारण बसली. बदनामीचा हा 'चिखल' अंगाला लागू नये यासाठी संबंधित नेत्याची आणि त्यांच्या आस्थापनेवरील अधिकार्यांच्या नाकीनऊ आले. त्यामुळे संबंधित नेत्याचे अख्खे कार्यालय आज तणावाखाली दिसले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in