परमबीरसिंह यांना अखेर न्यायालयाचा मोठा दिलासा
Param Bir Singh Sarkarnama

परमबीरसिंह यांना अखेर न्यायालयाचा मोठा दिलासा

मुंबईचे माजी पोलीस आयुक्त परमबीरसिंह यांची मॅरेथॉन चौकशी सुरू असताना त्यांना न्यायालयाने दिलासा दिला आहे.

मुंबई : राष्ट्रवादीचे नेते व माजी गृहमंत्री अनिल देशमुख (Anil Deshmukh) यांच्यावर शंभर कोटींच्या वसुलीचा आरोप करणारे मुंबईचे माजी पोलीस आयुक्त परमबीरसिंह (Param Bir Singh) मुंबई दाखल झाले आहेत. त्यांची मॅरेथॉन चौकशी सुरू असताना आता परमबीरसिंह यांना न्यायालयाने दिलासा दिला असून, त्यांच्या विरोधातील अटक वॉरंट रद्द केला आहे.

परमबीरसिंह यांची काल गुन्हे शाखेच्या कार्यालयात चौकशी सात तासांहून अधिक काळ चौकशी झाली होती. आज ठाण्यात दाखल गुन्ह्यात त्यांची चौकशी करण्यात आली आहे. यानंतर त्यांनी ठाण्यातील न्यायालयात धाव घेतली. त्यांच्या विरोधात न्यायालयाने काढलेले अजामीनपात्र अटक वॉरंट रद्द करण्याची मागणी त्यांनी केली. न्यायालयाने हे वॉरंट रद्द करून परमबीरसिंह यांना दिलासा दिला आहे. याचवेळी ठाणे पोलिसांना तपासात सहकार्य करण्यासही बजावले आहे.

बांधकाम व्यावसायिक केतन टन्ना यांनी परमबीरसिंह यांच्या विरोधात ठाणे पोलिसांकडे खंडणीची तक्रार दिली होती. या प्रकरणी जुलै महिन्यात गुन्हा दाखल झाला होता. परमबीरसिंह हे 2019-2019 मध्ये पोलीस आयुक्त होते. त्यांनी आणि इतर आरोपींनी टन्ना यांच्याकडून 1.25 कोटी रुपयांची खंडणी उकळली. तसेच, टन्ना यांचे मित्र सोनू जालान यांच्याकडूनही 3 कोटी रुपयांची खंडणी उकळली होती. या प्रकरणी परमबीरसिंह यांच्या विरोधात अजामीनपात्र अटक वॉरंटही बजावण्यात आले होते.

Param Bir Singh
परमबीरसिंहांचा पाय खोलात! गृहमंत्र्यांनीच दिले कारवाईचे संकेत

परमबीरसिंह हे या प्रकरणात चौकशीसाठी आज वकिलांना सोबत घेऊन ठाणेनगर पोलीस ठाण्यात आज सकाळी 10 वाजून 30 मिनिटांनी हजर झाले. ठाणे पोलिसांकडून त्यांची सायंकाळपर्यंत चौकशी सुरू होती. ठाण्याच्या पोलीस आयुक्तांनी या तपासासाठी विशेष तपास पथक नेमले आहे. या पथकाचे नेतृत्व पोलीस उपायुक्त अविनाश अंबुरे करीत आहेत. विशेष म्हणजे मनसुख हिरेनचा खून उपायुक्त अंबुरे यांच्याच परिमंडळाच्या हद्दीत झाला होता.

Param Bir Singh
दिल्लीतून फोन येताच अमल महाडिकांची माघार अन् सतेज पाटील बिनविरोध

सुरवातीचा तपास त्यामुळे अंबुरे यांच्याच नेतृत्वाखाली झाला. नंतर तो दहशतवाद विरोधी पथक (एटीएस) आणि त्यानंतर राष्ट्रीय तपास संस्थेकडे (एनआयए) गेला. हिरेन खुन प्रकरणात बडतर्फ सहाय्यक पोलीस निरीक्षक सचिन वाझे हा मुख्य आरोपी आहे. उद्योगपती मुकेश अंबानी यांच्या अँटिलिया निवासस्थानासमोर सोडलेली स्फोटके भरलेली एसयूव्ही हिरेन याचीच होती. नंतर ठाण्यातील खाडीत हिरेनचा मृतदेह आढळला होता. या प्रकरणी वाझेला अटक करण्यात आली आहे.

Related Stories

No stories found.
Sarkarnama
www.sarkarnama.in