मुंबई : ठाकरे घराण्याची तिसरी पिढी आदित्य यांच्या रुपाने राजकारणात सक्रीय झाली आहे. आता त्यांचे लहान भाऊ तेजस यांनीही युवासेनेत सक्रीय व्हावे, अशी इच्छा शिवसैनिकांची आहे. यंदा शिवसेनेचा (ShivSena) दसरा मेळावा होणार आहे. त्यामध्ये तेजस ठाकरे (Tejas Thackeray) युवासेनेत सक्रीय होतात का? याकडे सगळ्यांचे लक्ष लागले आहे.
युवासेनेचे प्रमुख आदित्य ठाकरे आता राज्याचे पर्यावरणमंत्री आहेत. ते मुख्यमंत्री आणि सेनेचे पक्षप्रमुख उध्दव ठाकरे यांना सतत मदत करतात. सावलीसारखे त्यांच्या मागे असतात. आता तेजस यांनी युवासेनेत सक्रीय होणे हे पक्षसंघटनेला बळकटी देणारे ठरेल असे बोलल्या जात आहे. या दोघांचे मावसभाऊ वरुण सरदेसाई युवासेनेत सक्रीय आहेत. तेजस हे अत्यंत आक्रमक नेते असून संघटनेतील प्रत्येक घटनेकडे लक्ष ठेवून असतात. मात्र, त्यांना राजकारणात रस नसल्याचेही सांगितले जाते.
शिवसेना मेळाव्याबाबत वेगवेगळ्या चर्चा सुरु आहेत. तेजस यांचा युवासेनाप्रवेशही अशाच चर्चांचा भाग आहे, असे एका सेनानेत्याने सांगितले. तेजस प्रत्येक बाबतीत सजग आहेत. त्यांनी सक्रीय केंव्हा व्हायचे हा त्यांचा प्रश्न आहे असेही या नेत्यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
