महाराष्ट्रात नोकऱ्या मिळण्यासाठी युपीतल्या शाळांमध्ये मराठी शिकवा; कृपाशंकर सिंह यांची मागणी

Krupashankar singh|BJP| महाराष्ट्र नवनिर्माण सेनेने आतापर्यंत अनेकदा उत्तर भारतींयाना महाराष्ट्रातील नोकऱ्यांच्या मुद्द्यावरुन टार्गेट केलं आहे.
महाराष्ट्रात नोकऱ्या मिळण्यासाठी युपीतल्या शाळांमध्ये मराठी शिकवा; कृपाशंकर सिंह यांची  मागणी
Krupashankar singh

Marathi lanuage in Uttar Pradesh

मुंबई : महाराष्ट्रात मराठी- उत्तर भारतीय वाद काही नवीन नाही. महाराष्ट्र नवनिर्माण सेनेने (MNS) आतापर्यंत अनेकदा उत्तर भारतींयाना महाराष्ट्रातील (Maharashtra) नोकऱ्यांच्या मुद्द्यावरुन टार्गेट केलं आहे. असे असतानाच आता महाराष्ट्राचे भाजप नेते कृपाशंकर सिंह (Krupashankar singh) यांनी उत्तर प्रदेश सरकारला मराठीला पर्यायी भाषेचा दर्जा देण्याचे आवाहन केले आहे. यासाठी त्यांनी यूपीचे मुख्यमंत्री योगी आदित्यनाथ यांना पत्र लिहून ही मागणी केली आहे. त्यांची मागणी कितपत उपयुक्त आणि समर्पक आहे हे वादातीत असले तरी आता शिवसेना आणि मनसेसाठी भाजपने (BJP) राजकीय आव्हान उभे केले आहे.

भाजप नेते कृपा शंकर सिंह यांनी मुख्यमंत्री योगी आदित्यनाथ यांना पत्र लिहून उत्तर प्रदेशातील माध्यमिक आणि उच्च माध्यमिक विद्यार्थ्यांसाठी पर्यायी भाषा म्हणून मराठीचा समावेश करण्याची विनंती केली आहे. मराठी बोलता आल्यास यूपीच्या विद्यार्थ्यांना महाराष्ट्रात चांगल्या नोकऱ्या मिळण्यास मदत होऊ शकते. मात्र या मागणीकडे राजकीयदृष्ट्याही पाहिले असता उत्तर भारतीयांच्या मुद्द्यांवरुन मनसेची भूमिका आधीच कठोर आहे. महाराष्ट्रात बिगर मराठी लोक येऊन नोकऱ्या काबीज करत असल्याचा आरोप मनसे करत आहे.

Krupashankar singh
राज्यसभेच्या एका जागेसाठी पाण्यासारखा पैसा खर्च होतोय...

- मराठी भाषा एका नजरेत

महाराष्ट्र आणि गोव्याची अधिकृत भाषा

जगात दहाव्या क्रमांकावर आणि भारतात तिसऱ्या क्रमांकावर बोलली जाणारी भाषा

देवनागरी प्रचलित लिपी, कदंब आणि मोडी ऐतिहासिक

मराठी भाषा 2000 वर्षांपासून अस्तित्वात आहे

यूपी सरकारची तत्वत: सहमती!

मुख्यमंत्री योगी आदित्यनाथ यांनी तत्त्वतः कृपाशंकर सिंह यांच्या मागणीला सहमती दर्शवली आहे. योगी आदित्यनाथ वाराणसीमध्ये प्रायोगिक तत्वावर मराठी भाषा शिकवण्याचा विचारात आहेत.

तर महाराष्ट्रात या पत्रामुळे महाराष्ट्रात मोठा वाद निर्माण होऊ शकतो, असेही बोलले जात आहे. कारण मनसेचा सुरवातीपासूनच महाराष्ट्रात उत्तर भारतीय आणि बाहेरील लोकांसाठी सरकारी नोकरीच्या संधींना विरोध करत आहे. तर शिवसेनेनेही महाराष्ट्रात नोकऱ्यांमध्ये भूमिपुत्रांच्या प्राधान्य देण्याची मागणी करत आली आहे,

भाजप नेत्याच्या मागणीकडे महाराष्ट्राचा संदर्भ म्हणून पाहिले पाहिजे, असे जाणकारांचे म्हणणे आहे. शिवसेना मनसेसोबत भूमिपुत्रांच्या प्रश्नावर आवाज उठवत असताना साहजिकच भाजपला परप्रांतियांना आकर्षित करण्यासाठी हा एक चांगला विषय होऊ शकतो, असे वाटते. विशेष म्हणजे काही महिन्यांत राज्यातील सर्वच पक्षांना महापालिका निवडणुका लढवायच्या आहेत आणि मुंबईसह उपनगरातही बहुसंख्य भोजपुरी भाषा बोलणारे आहेत जे सहसा यूपीमधून येतात, त्यामुळे यूपीमध्ये मराठी भाषा शिकवण्याची मागणी ही भाजपची राजकीय खेळी मानली जात आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in