Mumbai News : राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांनी यांनी एका डिझायनरविरोधात पोलिसात दाखल केलेल्या तक्रारीचा मुद्दा उपस्थित करण्यात आला. यानंतर याच मुद्द्यावरून शिवसेना ठाकरे गटाच्या नेत्या व खासदार प्रियंका चतुर्वेदी यांनी देवेंद्र फडणवीस (Devendra Fadnavis) यांच्यावरच आता हल्लाबोल केला होता. या प्रकरणात आता वेगवेगळे ट्विस्ट येत आहेत.
शिवसेना ठाकरे गटाच्या खासदार प्रियांका चतुर्वेदी यांनी ही मागणी केल्यानंतर अनिक्षा जयसिंघानी यांचे वडील बुकी अनिल जयसिंघानीसोबत शिवसेना ठाकरे गटाचे प्रमुख उद्धव ठाकरे यांचे फोटो समोर आले आहे. हा फोटो २०१४ सालचा असल्याचे सांगण्यात येत आहे.
यानंतर आता ठाकरे गटावर ही प्रश्न उपस्थित करण्यात येत आहेत. याबाबत खासदार संजय राऊत यांना प्रश्न विचारले असता, त्यांनी या विषयावर बोलायचे टाळले. मात्र यावर आता शिवसेना ठाकरे गटाच्या नेत्या सुषमा अंधारे यांनी या विषयावर भाष्य करत मुख्यमंत्री एकनाथ शिंदे यांना ही लक्ष्य केले आहे.
सुषमा अंधारे हे ट्विट करत म्हणाले, "जर अनिल जयसिंघानी महाविकास आघाडीच्या सगळ्या पक्षातून फिरला असे आमचे बंधू एकनाथ शिंदेचे म्हणणे आहे. त्यांचे म्हणणे मान्य केले तर, मग त्याने पहिल्यांदा कुठून चंचुप्रवेश केला हेही पहावे लागेल. कारण - उल्हासनगर, पाचपखाडी, या भागांमध्ये त्यावेळी आणि आत्तासुद्धा कुणाचे प्रभावक्षेत्र आहे?ठ असे म्हणत त्यांनी भाजपसह शिंदेंनाही लक्ष्य केले
दरम्यान, अनिल जयसिंघानीसोबत शिवसेना ठाकरे गटाचे प्रमुख उद्धव ठाकरे यांचे फोटो समोर आले आहे. यात जयसिंघानी यांचा तत्कालीन शिवसेनेत प्रवेश झाल्याचा दावा करण्यात येत आहे. हा फोटो २०१४ सालचा असल्याचे बोलले जात आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
