Eknath Shinde : उद्धव ठाकरे यांना मोठा धक्का बसला आहे. कारण ठाकरेंचे विश्वासू नेते माजी मंत्री सुभाष देसाई (Subhash Desai) यांचे पुत्र भूषण देसाई यांनी मुख्यमंत्री एकनाथ शिंदे (Eknath Shinde) यांच्या उपस्थितीत शिवसेनेत (शिंदे गट) प्रवेश केला आहे.
भूषण देसाई यांनी शिंदेंच्या शिवसेनेत प्रवेश केल्यामुळे उद्धव ठाकरेंना धक्का बसला आहे. भूषण देसाई यांनी प्रवेश केल्यानंतर माध्यमांशी बलताना एकनाथ शिंदे यांच्या कामावर प्रेरीत होऊन आपण हा निर्णय घेतला असल्याचे त्यांनी सांगितले.
भूषण देसाई म्हणाले, ''बाळासाहेब ठाकरे हेच माझे दैवत आहेत. एकनाथ शिंदे यांच्याबरोबर मी आधीपासून काम केलं आहे. त्यांच्या कामाची पद्धत आवडल्यामुळे मी हा निर्णय घेतला. मी आज शिवसेनेत प्रवेश केला. मात्र, हा माझा स्वतंत्र निर्णय आहे. सुभाष देसाईंना सांगूनच आपण हा निर्णय घेतला असल्याचे भूषण देसाईंनी यावेळी सांगितले.
प्रवेशानंतर शिवसेनेत जबाबदारी काय असणार? या प्रश्नावर बोलताना ते भूषण देसाई म्हणाले, ''एकनाथ शिंदे जी जबाबदारी देतील ती जबाबदारी मी पार पाडणार आहे''.
दरम्यान, भूषण देसाई यांचा प्रवेश झाल्यानंतर मुख्यमंत्री एकनाथ शिंदे म्हणाले, ''भूषण देसाई यांनी काम करणाऱ्या लोकांसोबत राहण्याचा निर्णय घेतला. त्यांचं मी शिवसेनेमध्ये स्वागत करतो''.
''बाळासाहेब ठाकरे यांच्या विचारांचं सरकार स्थापन झालंय. त्यांचे विचार पुढे नेण्याचं काम आम्ही करत आहोत. महाराष्ट्रातील हजारो पदाधिकारी आणि शेकडो स्थानिक स्वराज्य संस्थेतील सदस्य शिवसेनेमध्ये येत आहेत'', असं शिंदे म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
