Uddhav Thackeray : मुख्यमंत्री एकनाथ शिंदे (Eknath Shinde) यांच्या गटाला धनुष्यबाण चिन्हासह पक्षाचं नाव मिळालं आहे. निवडणूक आयोगाने हा मोठा निर्णय दिला. त्यामुळे उद्धव ठाकरे गटाला मोठा धक्का बसला आहे.
यानंतर आज शिवसैनिकांनी मोठ्या प्रमाणात मातोश्री बाहेर गर्दी केलीय. या पार्श्वभूमीवरच ठाकरे यांनी मातोश्रीबाहेर येऊन शिवसैनिकांना संबोधित केलं.
उद्धव ठाकरे म्हणाले, ''आज महाशिवरात्र आहे. पण आपलं शिवधनुष्य चोरीला गेलंय. या चोरांना आपण सर्वांनी धडा शिकवू. मी या चोरांना आव्हान देतो तुम्ही चोरलेला धनुष्यबाण घेऊन निवडणुकीला सामोरे या. त्यानंतर पाहू जनता कुणाला निवडते?'', असं थेट आव्हान उद्धव ठाकरे यांनी दिलं आहे.
तसेच या आधी आयोगाच्या निकालानंतर प्रतिक्रिया देताना ते म्हणाले की, ''या निर्णयाविरोधात आम्ही सर्वोच्च न्यायालयात जाणार आहोत. पण पक्षाचे नाव आणि चिन्ह गेले म्हणजे शिवसेना संपली असा समज कोणीही करू नये. ज्यांनी माझे वडील चोरले. अशा चोरांना महाशक्ती प्रतिष्ठा देऊ पाहते. मात्र, चोर तो चोरच असतो'', असं म्हणत त्यांनी शिंदे गटावर टीका केली आहे.
दरम्यान, ठाकरेंनी शिवसैनिकांना निवडणुकीच्या तयारीला लागण्याचे आवाहन केले आहे. तसेच मी खचलेलो नाही आणि खचणारही नाही. हा शिवसेना संपवण्याचा डाव आहे, असा आरोपही यावेळी ठाकरेंनी केला. दरम्यान, मातोश्रीबाहेर येऊन ठाकरे यांनी शिवसैनिकांना संबोधित केलं. यावेळी मातोश्रीबाहेर शिवसैनिकांनी मोठी गर्दी केली होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
