मुंबई : सुशांतसिंह प्रकरणात सीबीआय चौकशी करावी ही पार्थ पवार यांची मागणी राष्ट्रवादीचे अध्यक्ष व पार्थ यांचे आजोबा शरद पवार यांनी झटकून टाकली आहे. पार्थ पवार अपरिपक्व असून त्यांच्या मागणीला कवडीचीही किंमत नाही, असे मोठे विधान पवार यांनी केल्याने आता चर्चा सुरु झाली आहे. काही दिवसांपूर्वीच पार्थ यांनी ही मागणी केली होती. दरम्यान, या बाबत प्रतिक्रिया देण्यास पार्थ पवार यांनी नकार दिला आहे.
मावळमधून लोकसभा लढवून पराभूत झालेले पार्थ पवार यांनी सीबीआय चौकशीची मागणी केली होती. त्यानंतर त्यांनी राममंदीरालाही पाठिंबा दिला होता. त्यांच्या या दोन्ही भूमीकांमुळे राष्ट्रवादी काँग्रेसमध्ये अस्वस्थता होती. मात्र, आज पवार यांनी या सगळ्याला पूर्णविराम दिला आहे.
शिवसेना खासदार संजय राऊत यांनी आज पवार यांची भेट घेतली. त्यानंतर पत्रकारांनी पवार यांना गाठले. त्यावेळी सीबीआय चौकशीच्या मागणीबाबत बोलताना पवार म्हणाले, "मला सुशांतपेक्षा शेतकऱ्यांच्या आत्महत्यांची चिंता आहे. सीबीआय चौकशी कुणाला करायची असेल तर त्याला कुणाचा विरोध नाही."
दरम्यान, उपमुख्यमंत्री अजित पवार यांचे पूत्र पार्थ यांनी आजवर वेळोवेळी राष्ट्रवादीच्या भूमीकेच्या विसंगत भूमीका घेतली आहे. त्यामुळे आजच्या पवारांच्या विधानाला महत्त्व प्राप्त झाले आहे. अयोध्येतील राम मंदिराबाबत महाराष्ट्राचे उपमुख्यमंत्री अजित पवार यांचे पुत्र आणि मावळ लोकसभा मतदारसंघातले पराभूत उमेदवार पार्थ पवार यांनी जय श्रीराम लिहित पाठिंबादर्शक भूमिका घेतली होती. या घटनेबद्दल त्यांनी आनंद व्यक्त केल्याने खळबळ उडाली. खासदार सुप्रियाताई सुळे यांनी हे त्यांचे व्यक्तिगत मत असेल. त्या पत्रावर पक्षाचे चिन्ह नाही याकडे लक्ष वेधले आहे. लोकशाहीत वेगळे मत व्यक्त करण्याची मुभा असते असे मतही त्यांनी नोंदवले होते.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.