शिवसेनेचा ढाण्या वाघ बाहेर..फटाक्यांची आतषबाजी अन् घोषणांनी राऊतांचं स्वागत...

Sanjay Raut : सुमारे शंभर दिवसानंतर संजय राऊत कारागृहाबाहेर...
sanjay raut Latest News
sanjay raut Latest NewsSarkarnama

Sanjay Raut : पत्राचाळ गैरव्यवहार प्रकरणी शिवसेनेचे (उद्धव बाळासाहेब ठाकरे) खासदार संजय राऊत यांना तब्बल शंभर दिवसानंतर आर्थर रोड कारागृहाबाहेर आले आहेत. त्यांना आज (ता.९ नोव्हेंबर) ईडीच्या (ED) पीएमएलए कोर्टातून त्यांना जामीन मिळाला आहे. त्यामुळे त्यांचा कारागृहाबाहेर पडण्याचा मार्ग मोकळा झाला होता. (sanjay raut Latest News)

sanjay raut Latest News
Sanjay Raut : कोण आला रे..कोण आला..शिवसेनेचा वाघ आला..आर्थर कारागृहाबाहेर शिवसैनिकांची गर्दी

दरम्यान, न्यायालयाच्या या निर्णयाविरोधात ईडीने विरोध करत हायकोर्टात अपील केलं होतं त्यामुळे यावर आज पुन्हा दुपारी हायकोर्टात सुनावणी झाली. यावेळी ईडीने राऊतांच्या जामिनास स्थगितीची मागणी केली होती. मात्र न्यायालयाने त्यांची ही मागणी फेटाळत त्यांच्या जामिनाच्या स्थगितीस नकार दिला आहे. यामुळे राऊतांचा आज घरी जाण्याचा मार्ग मोकळा झाला होता.

sanjay raut Latest News
Photo's : संजय राऊतांचे 'ते' 100 दिवस!

कारागृह प्रशासनाने कागदपत्राची औपचारीकता पुर्ण करत संजय राऊतांना कारागृहाबाहेर सोडले. यावेळी शिवसैनिकांनी हजारोंच्या संख्येंनी गर्दी करत मोठा जल्लोष केला आणि फटाक्यांची आतषबाजी करत कोण आला रे..कोण आला..शिवसेनेचा वाघ आला..,अशा घोषणांनी कारागृह परिसर दणाणला आहे. संजय राऊत यांच्यासोबत यावेळी त्यांचे बंधू आमदार सुनिल राऊत आहेत. यावेळी राऊतांनी शिवसैनिकांना हात उंचावून अभिवादन करत विययी मुद्रा दाखवली. यावेळी शिवसैनिक कमालीचे भावूक झाले होते.

आता संजय राऊत (Sanjay Raut) आपल्या घरी जाणार की 'मातोश्री'वर जाणार याबाबत अद्याप माहिती मिळाली नाही. मात्र ते आज संध्याकाळी पक्षप्रमुख उद्धव ठाकरे (Uddhav Thackeray) यांची भेट घेणार असल्याची शक्यता आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com