Rohit Pawar : राम शिंदे पुड्या सोडू नका, खेकड्याची चाल लोक स्विकारत नाही : रोहित पवारांचा पलटवार!

मुंबई : राष्ट्रवादीचे आमदार रोहित पवार (Rohit Pawar) यांनी भाजप नेते व आमदार राम शिंदे (Ram Shine) यांना जोरदार प्रत्यु्त्तर दिले आहे. शिंदे यांनी नुकतंच रोहित पवारांवर आरोप केले होते. माझ्या मतदारसंघात येऊ नका, म्हणून आरोग्यमंत्री तानाजी सावंत यांना पवारांनी दहा फोन केले होते, असा दावा राम शिंदे यांनी केला होता. यालाच आता रोहित पवारांनी जोरदार प्रत्युत्तर दिले आहे.

शिंदे साहेब उगाच पुड्या सोडू नका. खेकड्याची चाल लोक स्विकारत नाहीत. हिंमत असेल तर पुरावा द्या, असे आव्हान रोहित पवार यांनी दिले. ज्याला पैसा आणि अहंकाराची खाज आहे, ज्याला हाफकीन ही संस्था आहे की व्यक्ती हे ही माहिती नाही. जो महाराष्ट्राला भिकारी बनवण्यीची भाषा करतो, अशा व्यक्तिला मतदारसंघात न येण्यसाठी मी कशाला मस्का लावू? असे ट्विट रोहित पवारांनी

राम शिंदे साहेब पुड्या सोडू नका. खेकड्याची चाल लोक स्विकारत नाहीत. हिमंत असेल तर याचा पुरावा द्या.आणि यापुढे तुमच्याच प्रचाराला त्यांनी जरूर बोलवा, मग मैदानात बघू , अशा शब्दात रोहित पवार यांनी जोरदार शब्दात पलटवार केला आहे.

दरम्यान राम शिंदे यांनी रोहित पवाराबद्दल काही दावा केला होता. आपल्या मतदारसंघात येऊ नये म्हणून रोहित पवार यांनी राज्याचे आरोग्यमंत्री तानाजी सांवंत यांना दहावेळा फोन केले होते, असा दावा शिंदे यांनी केला होता. यालाच प्रत्युत्तर देताना रोहित पवार यांनी ट्विटच्या माध्यमातून जोरदार पलटवार केला.