राज्यसभेच्या मतांचा कोटा कमी! फायदा शिवसेनेला की भाजपला?

अनिल देशमुख (Anil Deshmukh) आणि नवाब मलिक (Nawab Malik) यांना न्यायालयाने मतदानाचा अधिकार नाकारला आहे
राज्यसभेच्या मतांचा कोटा कमी! फायदा शिवसेनेला की भाजपला?
Shivsena, BJPsarkarnama

मुंबई : राज्यसभेसाठी (Rajya Sabha Election) शुक्रवारी (ता.१०) मतदान होणार आहे. मतदानाच्या आदल्या दिवशी महाविकास आघाडीला मोठा धक्का बसला आहे. कारण महाविकास आघाडीला दोन मते कमी पडणार आहेत. राष्ट्रवादीचे नेते, माजी गृहमंत्री अनिल देशमुख (Anil Deshmukh) आणि मंत्री नवाब मलिक (Nawab Malik) यांना मतदानासाठी न्यायालयाने परवानगी नाकारली आहे. यामुळे आता राज्यसभेच्या मतदानाचा कोटाही बदलला आहे. (Rajya Sabha Election Latest Marathi News)

देशमुख आणि मलिक यांना मतदान करता येणार नाही. त्यामुळे मतांचा कोटा कमी झाली आहे. या आधी ४१. १४ चा मतांचा कोटा होता. आता ४०. ७१ चा मतांचा कोटा लागणार आहे. त्यामुळे भाजपला १ मता फायदा होणार आहे. या आधी निवडून येण्यासाठी 42 मतांची गरज होती. आता विजयी उमेदवाराचा कोटा बदलल्याने त्यासाठी 41 मतांची गरज लागणार आहे. यामुळे शिवसेनाला १ मलाताचा तोटा सहन करावा लागणार आहे. शिवसेनेच्या दुसऱ्या आणि भाजपच्या तिसऱ्या उमेदवारासाठी एक-एक मत महत्त्वाचे असताना महाविकास आघाडीला हा मोठा धक्का बसला आहे.

Shivsena, BJP
'राज्यसभा निवडणुकीत अपक्ष आमदार मोठा भूकंप करणार!'

दरम्यान, मनी लाँड्रिंग प्रकरणात सध्या देशमुख आणि मलिक कारागृहात आहेत. दोघांनी मतदानाची परवानगी मिळावी, यासाठी न्यायालयाकडे अर्ज केला होता. त्याला ईडीने विरोध केला. लोकप्रतिनिधित्व कायद्यातील तरतुदीप्रमाणे कैद्यांना मतदानाचा अधिकार नसतो. त्यामुळे मतदानास एक दिवसाचा तात्पुरता जामीन मिळणेबाबत दोघांनी केलेल्या अर्जावर काल (ता.८) सुनावणी झाली. विशेष पीएमएलए न्यायालयाने निर्णय राखून ठेवला आहे. आज (गुरुवार) त्यावर न्यायालयाने निर्णय दिला. महाविकास आघाडीची दोन मते कमी झाल्याने त्याचे गणित बिघडण्याची शक्यता निर्माण झाली आहे.

दोन्ही नेत्यांच्या अर्जावर ईडीने कायद्याचा हवाला देत मतदानाला बाहेर जाता येणार नसल्याचे म्हटले आहे. ईडीने १९५१ कलम ६२(५) चा हवाला दिला आहे.'जर एखादा व्यक्ती जेलमध्ये असेल तर त्या व्यक्तीला कोणत्याही निवडणुकीत मतदान करता येणार नाही, या कायद्यामध्ये अशी तरतूद आहे, असे ईडीने म्हटले आहे.

मलिक आणि देशमुख राज्यसभा मतदानाचा अधिकार बजावता यावा यासाठी मुंबई उच्च न्यायालयात धाव घेऊ शकतात. मुंबई उच्च न्यायालयात तातडीच्या सुनावणीची मागणी करू शकतात पण इतक्या कमी वेळात सुनावणी होऊन निकालाची शक्यता कमी असल्याचे समजते. राष्ट्रवादीचे नेते याबाबत उच्च न्यायालयात जाणार आहेत.

Shivsena, BJP
Abdul Sattar: मलिक, देशमुखांचे मतदान नसले तरी महाविकास आघाडीचे उमेदवार विजयी होणारच..

काल दिवसभर मुंबई सत्र न्यायालयातील विशेष पीएमएलए (PMLA) न्यायालयात नवाब मलिक आणि अनिल देशमुख यांच्या अर्जावर मॅरेथॉन सुनावणी झाली. मलिक यांचे वकील ऍड. अमित देसाई तर देशमुख यांचे वकील ऍड. आबाद पोंडा हे मतदान करण्याची परवानगी मिळावी म्हणून प्रयत्नांची पराकाष्ठा करीत होते.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in