Maharashtra Politics : राज्याच्या अर्थसंकल्पीय अधिवेशनाचा आज दुसरा दिवस आहे. आज विरोधकांनी विधिमंडळाच्या पायऱ्यांवर कांद्यासह शेतकऱ्यांच्या प्रश्नावर आंदोलन केलं.
सभागृहात कांद्याचे दर आणि कापसाच्या दरावरून विरोधकांनी सरकारला घेरलं. यानंतर विरोधी पक्षनेते अजित पवारांनी एका शासकीय जाहिरातीवरून सरकारला घेरलं आणि शेवटी सल्लाही दिला.
अजित पवार यांनी थेट सभागृहात एका शासकीय जाहिरातीचा फोटोच दाखवला. या जाहिरातीमध्ये मुख्यमंत्र्यांचा आणि उपमुख्यमंत्र्यांचा फोटो होता. तसेच ही जाहिरात बसच्या संदर्भात होती.
मात्र, या जाहिरातीमध्ये दाखवण्यात आलेल्या बसच्या काचा तुटलेल्या होत्या. तसेच ही बस अनेक ठिकाणी तुटलेली होती. याच बसवर मुख्यमंत्र्यांचा हसताना फोटो लावलेला होता. यावरून या बसची अवस्था पाहून मुख्यमंत्री हसतायत का? असा खोचक सवाल अजित पवारांनी केला.
बस तरी चांगली दाखवायची ना? जाहिरातीवर खर्च केला. मग जाहिराती देताना कमीत कमी व्यवस्थित देत जा, असा सल्लाच अजित पवार यांनी सरकारला दिला. याबरोबरच अजून एका जाहिरातीचा दाखला देत संबधित जाहिरातीवर मुख्यमंत्र्यांपेक्षा उपमुख्यमंत्र्यांचा फोटो मोठा दाखवण्यात आला असल्याचा आरोप पवार यांनी केला.
एवढे पैसे खर्च करूनही शासनाच्या कामात अशा प्रकारच्या चुका होतात, यावरून त्यांनी संताप व्यक्त करत शेवटी असं न करण्याचा सल्ला सरकारला त्यांनी दिला.
दरम्यान, आज विविध मुद्द्यांनी अर्थसंकल्पीय अधिवेशन गाजलं. तसेच विरोधकांनी सरकारला घेरण्याचा प्रयत्न केला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
