या परंपरेला विरोधी पक्षाकडून तिलांजली : नाना पटोले यांचा आरोप

काँग्रेसचे प्रदेशाध्यक्ष नाना पटोले ( Nana Patole ) यांनी महाविकास आघाडीची भूमिका मांडली.
या परंपरेला विरोधी पक्षाकडून तिलांजली : नाना पटोले यांचा आरोप
Balasaheb Thorat, Imran Pratapgadi, Nilam Raut, Nana PatoleSarkarnama

मुंबई - राज्यसभेच्या महाराष्ट्रातील जागांसाठी उमेदवारी अर्ज आज दाखल करण्यात आले. यात काँग्रेसकडून कवी व वक्ते इम्रान प्रतापगढी यांनी आज उमेदवारी अर्ज दाखल केला. त्यानंतर आयोजित पत्रकार परिषदेत काँग्रेसचे प्रदेशाध्यक्ष नाना पटोले ( Nana Patole ) यांनी महाविकास आघाडीची भूमिका मांडली. ( Opponents break this tradition: Nana Patole's allegation )

काँग्रेस उमेदवार इम्रान प्रतापगढी यांचा उमेदवारी अर्ज आज दुपारी सादर करण्यात आला, प्रतापगढी यांनी यावेळी मराठीतून शपथ घेतली. यावेळी प्रदेशाध्यक्ष नाना पटोले, विधिमंडळ काँग्रेस पक्षनेते तथा महसूलमंत्री बाळासाहेब थोरात, मदत व पुनर्वसन मंत्री विजय वडेट्टीवार, वैद्यकीय शिक्षण मंत्री अमित देशमुख, मत्स्यसंवर्धन मंत्री अस्लम शेख, अखिल भारतीय काँग्रेस कमिटीचे सचिव व सहप्रभारी आशिष दुआ, आमदार अमिन पटेल, आमदार झिशान सिद्दीकी, आमदार वजाहत मिर्झा, प्रदेश उपाध्यक्ष सुनील देशमुख, सरचिटणीस देवानंद पवार आदी उपस्थित होते.

Balasaheb Thorat, Imran Pratapgadi, Nilam Raut, Nana Patole
संभाजीराजे छत्रपती खासदार झाले नाहीत हे दुर्देवी; काँग्रेसचा त्यांना पाठिंबा : नाना पटोले

नाना पटोले म्हणाले, राज्यसभेच्या निवडणुका बिनविरोध करण्याची महाराष्ट्राची परंपरा आहे मात्र विरोधी पक्षाने या परंपरेला तिलांजली दिली आहे. राज्यसभेसाठी खुले मतदान होत असते, महाविकास आघाडीकडे बहुमत आहे. आघाडीचे चारही उमेदवार निवडून येतील, असा विश्वास पटोले यांनी व्यक्त केला आहे.

ते पुढे म्हणाले की, आमचे उमेदवार इम्रान प्रतापगढी यांनी फॉर्म भरताना मराठीतून शपथ घेतली. देशाची एकात्मता मानणारा, त्या विचारला मानणारा, भाषेला मानणारा उमेदवार दिल्याबद्दल सोनिया गांधी व राहुल गांधी यांचे मनापासून आभार व्यक्त करतो. काँग्रेस पक्ष हा विचारधारेवर चालणारा पक्ष आहे, पक्षात लोकशाही असून प्रतापगढी यांच्या उमेदवारीचा निर्णय पक्षश्रेष्ठींनी घेतला आहे. एका तरुण आणि उत्साही कार्यकर्त्याला उमेदवारी मिळाल्याने काँग्रेसमध्ये नवचैतन्य संचारले आहे.

Balasaheb Thorat, Imran Pratapgadi, Nilam Raut, Nana Patole
नाना पटोले म्हणाले, केंद्र सरकारने इंधनावरील कमी केलेले कर ही निव्वळ धुळफेक !

राज्यसभा उमेदवारीवरून हायकमांड यांनी घेतलेल्या निर्णयाचे सर्वांनी स्वागतच केले आहे. त्यांच्या उमेदवारीवरून जी चर्चा सुरु आहे ती निरर्थक आहे. भाजपमध्ये तर लोकशाहीच नाही, मत मांडण्याचाही अधिकार त्यांच्या पक्षात नाही. त्यामुळे त्यांच्या टीकेकडे आम्ही फारसे गांभीर्याने पहात नाही, असा टोलाही पटोले यांनी लगावला.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in