Old Pension Scheme : जुनी पेन्शन योजना लागू करण्याबाबत फडणवीसांचं महत्त्वाचं विधान!

Old Pension Scheme News: जुनी पेन्शन योजना लागू करण्यात यावी, अशी मागणी शासकीय कर्मचाऱ्यांनी अनेक दिवसांपासून केली आहे. यासाठी मागील हिवाळी अधिवेशनादरम्यान शासकीय कर्मचाऱ्यांनी जुनी पेन्शन योजना लागू करण्यासाठी मोर्चा ही काढला होता. यानंतर जुनी पेन्शन योजनेची चर्चा राज्यभरात सुरु झाली. आता उपमुख्यमंत्री देवेंद्रे फडणवीस यांनी याबाबत महत्त्वपूर्ण भाष्य केले आहे.

"जुनी पेन्शन योजना सुरू करण्याबाबत आम्ह नकारात्मक नाही, असे राज्याचे उपमुख्यमंत्री देवेंद्र फडणवीस यांनी म्हंटले आहे. याबाबत फडणवीसांचं मोठं विधान मानण्यात येत आहे. जुनी पेन्शन योजना जर पुन्हा सुरू केली तर आठ वर्षात अतिरीक्त अडीच लाख कोटींचा भार सरकारवर पडेल," फडणवीस यांनी म्हंटलंय.

फडणवीस म्हणाले, ठअर्थव्यवस्थेच्या टक्केवारीमध्ये जुनी पेंशन योजनेचा भार फार मोठा असणार नाही. म्हणून मी हे स्पष्ट सांगतो. आम्ही ही पेंशन योजना राबण्यासाठी कुठेही नकारात्मक नाही. आणि यामध्ये सर्वांशी चर्चा करून, आर्थिक दृष्टीकोनातून चर्चा करून काय मार्ग निघू शकतो. पण दीर्घकालीन मार्ग आपल्याला काढावा लागेल. तात्पुरता मार्ग काढून आपल्याला चालणार नाही," असं महत्त्वपूर्ण विधान फडणवीसांनी केले आहे.

"काही लोक यावरती बोलतात, पण पेंशन योजनेत बदल करायचा असेल, जुनी पेंशन योजना राबवायची असेल तर ही धमक आमच्यामध्येच आहे. बाकीचे लोक नाही करू शकणार. बाकी फक्त बोलणारे लोक आहेत," असे फडणवीसांनी सांगितले.