Old Pension scheme : कर्मचाऱ्यांच्या मोर्चाला यश; मुख्यमंत्री शिंदेंनी दिले मोठे आश्वासन

Old Pension scheme : संघटनेच्या पदाधिकाऱ्यांनी मुख्यमंत्री एकनाथ शिंदे (Eknath Shinde) यांना निविदेन दिले.
Eknath Shinde, Old Pension scheme
Eknath Shinde, Old Pension schemeSarkarnama

Old Pension scheme : राज्य सरकारने लागू केलेली नवीन पेन्शन योजना रद्द करून जुनी पेन्शन योजना लागू करावी, या मागणीसाठी मंगळवारी राज्यभरातून एक लाखापेक्षा जास्त कर्मचारी नागपुरात (Nagpur) हिवाळी अधिवेशनावर ( Winter Session) धडकले. हा मोर्चा नागपूरकरच नव्हे तर राज्यकर्त्यांच्या मनात धडकी भरवणारा ठरला. यानंतर संघटनेच्या पदाधिकाऱ्यांनी मुख्यमंत्री एकनाथ शिंदे (Eknath Shinde) यांना निविदेन दिले.

त्यानंतर मुख्यमंत्री एकनाथ शिंदे यांनी ट्वीट करत म्हटले आहे की ''राज्यातील शासकीय कर्मचाऱ्यांना जुनी पेन्शन योजना लागू करण्याचा मागणीसाठी आंदोलन करणाऱ्या 'महाराष्ट्र राज्य जुनी पेन्शन संघटनेच्या' शिष्टमंडळाने आज भेट घेऊन त्यांची कैफियत मांडली'' यावेळी त्यांच्या समस्या जाणून घेत केंद्र सरकारच्या धर्तीवर त्यांना उचित लाभ मिळवून देण्याबाबत राज्य सरकार सकारात्मक असल्याचे सांगत आश्वस्त केले'', असे एकनाथ शिंदे यांनी सांगितले.

Eknath Shinde, Old Pension scheme
Anil Deshmukh News : अनिल देशमुखांची अखेर तुरुंगातून सुटका; राष्ट्रवादीचा जल्लोष

तसेच यावेळी उपमुख्यमंत्री देवेंद्र फडणवीस शिक्षक आणि पदवीधर आमदार उपस्थित होते. मुख्यमंत्री शिंदे यांनी मयत कर्माचारी आणि त्यांच्या कुटुंबीयांना न्याय दिला आहे. फमिली पेन्शन आणि ग्रॅज्यूटी देण्याचे आश्वासन शिंदे यांनी दिले आहे. फॅमिली पेन्शन म्हणजे, एखाद्या कर्मचाऱ्याचे निधन झाले तर त्यांच्या पत्नीला पेन्शन मिळणार आहे. त्यामुळे एक मागणी पूर्ण केली, असे म्हणता येईल. मात्र, मोठी मागणी ही जुनी पेन्शन योजना लागू करण्याची आहे, असे कर्मचाऱ्यांनी सांगितले. मुख्यमंत्री शिंदे यांच्या आश्वासनानंतर हे आंदोलन स्थगित करण्यात आले आहे.

दरम्यान, राज्यात जुनी पेन्शन लागू करण्याची मागणी होत असताना विधानसभेत देवेंद्र फडणवीस (Devendra Fadnavis) यांनी सांगितले होते की, 2005 मध्ये पेन्शन योजना बंद झाली. राज्याचे हित लक्षात घेऊन जुनी पेन्शन योजना रद्द करण्यात आली आहे. या पेन्शन योजनेमुळे राज्याच्या तिजोरीवर एक लाख 10 हजार कोटींचा बोझा पडतो. यातून राज्य दिवाळखोरीत निघेल, असे फडणवीस यांनी स्पष्ट केले होते.

Eknath Shinde, Old Pension scheme
Old Pension scheme : १ लाखाच्या वर कर्मचारी शिंदे-फडणवीसांचे ५० लाख मते बदलवणार !

मात्र, कर्मचारी मोठ्या प्रमाणात आक्रमक झाले आहेत. सध्या काँग्रेसशासित राजस्थान आणि छत्तीसगड या राज्यांनी आधीच जुनी पेन्शन योजना लागू केली आहे. त्यानंतर हिमाचल प्रदेशचे काँग्रेस सरकारही जुनी पेन्शन योजना पूर्ववत करणार आहे. झारखंडने देखील जुनी पेन्शन योजना लागू होणार असल्याचे म्हटले आहे. तर आम आदमी पक्ष शासित पंजाब राज्याने जुनी पेन्शन योजना पुन्हा सुरू करण्यास मान्यता दिली आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
logo
Sarkarnama
www.sarkarnama.in