'समाजवादी'नंही पत्ते खुले केले; भाई जगतापांना करावी लागणार धावाधाव

आज विधान परिषदेच्या दहा जागांसाठी मतदान होणार आहे.
'समाजवादी'नंही पत्ते खुले केले; भाई जगतापांना करावी लागणार धावाधाव
NCP Latest Marathi News, Congress Latest Marathi NewsSarkarnama

मुंबई : विधान परिषद निवडणुकीच्या (Legislative Council Election) दहा जागांसाठी आज मतदान होणार आहे. महाविकास आघाडी विरूध्द भाजप अशी खरी लढत असली तरी प्रत्यक्षात भाई जगताप विरूध्द लाड असा हा सामना रंगणार आहे. असं असलं तरी राष्ट्रवादी काँग्रेसकडूनही 'सेफगेम' खेळला जात आहे. सगळी गणितं लक्षात घेऊन राष्ट्रवादीनं अतिरिक्त मतं जमवली आहेत. काल एमआयएमच्या एका आमदाराचं मत राष्ट्रवादीला मिळणार असल्याचं स्पष्ट झाल्यानंतर आता समाजवादी पक्षाचंही एक मत पारड्यात पाडण्यात पक्षाला यश आल्याचं समजतं. (MLC Election 2022 Latest News)

निवडणुकीत सर्वच पक्षांसाठी एकेक मत महत्वाचे झाले आहे. एमआयएमचे धुळ्याचे आमदार फारुख शहा यांनी आपण एकनाथ खडसे यांना मतदान करणार असल्याचे काल जाहीर केले आहे. त्यामुळे राष्ट्रवादी काँग्रेसच्या प्रथम पसंतीचे उमेदवार रामराजे नाईक निंबाळकर आणि एकनाथ खडसे (Eknath Khadse) या दोन्ही उमेदवारांचे टेन्शन कमी झाले होते.

NCP Latest Marathi News, Congress Latest Marathi News
भाजपच्या किमान 9 मतांना राष्ट्रवादी लावणार सुरुंग; प्रसाद लाड यांचा पराभव निश्चित?

त्यातच आता समाजवादी पक्षाचंही एक मत राष्ट्रवादी मिळणार असल्याची माहिती सुत्रांनी दिली. त्यामुळे निंबाळकर आणि खडसे हे दोघेही सेफ झोनमध्ये असल्याची चर्चा आहे. पण दुसरीकडे काँग्रेसला आता आणखी धावाधाव करावी लागणार आहे. एमआयएम आणि समाजवादीची प्रत्येकी दोन-दोन मतांसाठी काँग्रेसचे प्रयत्न सुरू होते.

आता काँग्रेसला एमआयएम आणि समाजवादी पक्षाचे प्रत्येक एकच मत मिळणार असल्याचे जवळपास निश्चित झाले आहे. रविवारी रात्री उशिरा काँग्रेसचे नेते सुनिल केदार यांनी समाजवादीच्या नेत्यांची भेट घेतल्याचे समजते. पण काँग्रेसला एकच मत देणार असल्याचे त्यांना सांगण्यात आल्याची चर्चा आहे.

NCP Latest Marathi News, Congress Latest Marathi News
भाजपचे 9 की 13 आमदार संपर्कात? जयंत पाटलांनी स्पष्टच सांगितले

काँग्रेसचे उमेदवार भाई जगताप यांना आठ मतांची गरज आहे. एमआयएम आणि समाजवादीची दोन मतं मिळणार असली तरी आणखी सहा मतांची बेगमी करावी लागणार आहे. त्यामुळे आता अपक्ष व इतर घटक पक्षांवरच काँग्रेसची मदार असणार आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in