कोरेगाव-भीमा प्रकरण : शरद पवारांची ५ मे रोजी होणार साक्ष

मलबार हिल येथील सह्याद्री अतिथीगृहातील आयोगाच्या दालनात पवार यांची साक्ष नोंदवण्यात येणार असल्याचे समजते.
कोरेगाव-भीमा प्रकरण : शरद पवारांची ५ मे रोजी होणार साक्ष
Sharad Pawar Latest Marathi News, Bhima Koregaon Case News Updatessarkarnama

मुंबई : पुण्याजवळील कोरेगाव भीमा येथे १ जानेवारी २०१८ रोजी हिंसाचार झाला होता. या प्रकरणाच्या (Koregaon Bhima Case) चौकशीसाठी राज्य सरकारने एक चौकशी आयोग नेमला होता. या चौकशी आयोगाचे अध्यक्ष न्यायमूर्ती जे. एन. पटेल हे आहेत. या आयोगाने राष्ट्रवादी काँग्रेसचे अध्यक्ष शरद पवार (NCP Chief Sharad Pawar) यांना समन्स पाठवले आहे. त्यांना साक्ष नोंदविण्यासाठी बोलावलं आहे. (Sharad Pawar Latest Marathi News)

कोरेगाव भीमा येथील हिंसाचार हा संभाजी भिडे यांच्या वक्तव्यामुळे भडकल्याचं विधान शरद पवार यांनी केले होते. त्यानंतर अॅड. प्रदीप गावडे यांनी या प्रकरणात शरद पवारांची साक्ष नोंदवण्यात यावी, अशी मागणी केली होती.

Sharad Pawar Latest Marathi News, Bhima Koregaon Case News Updates
विश्वजित कदम, देशमुख यांना त्यांच्या धोरणाने चालू द्या..पण आम्ही आमचं ठरवलयं!

येत्या ५ मे रोजी शरद पवार यांना जबाब नोंदवला जाणार आहे. मलबार हिल येथील सह्याद्री अतिथीगृहातील आयोगाच्या दालनात पवार यांची साक्ष नोंदवण्यात येणार असल्याचे समजते.

यापूर्वी फेब्रुवारी महिन्यात सुद्धा शरद पवार यांना जबाब नोंदवण्यासाठी बोलावले होते. २३ फेब्रुवारी रोजी शरद पवार यांची साक्ष नोंदवली जाणार होती. चौकशी आयोगाकडून शरद पवार यांच्यासोबतच तत्कालीन पुणे पोलीस अधिक्षकांना आणि अतिरिक्त पोलीस आयुक्त यांनाही समन्स पाठवण्यात आले होते.

Sharad Pawar Latest Marathi News, Bhima Koregaon Case News Updates
MNS : राज ठाकरेंच्या सभेला परवानगी, पण..; बाळा नांदगावकरांची माहिती

पुण्याचे तत्कालीन पोलीस अधिक्षक सुवेझ हक आणि अतिरिक्त पोलीस आयुक्त रवींद्र सेनगावकर यांना समन्स पाठवण्यात आले होते. त्यानंतर आता पुन्हा एकदा जबाब नोंदवण्यासाठी आयोगाने त्यांना बोलावलं आहे.

आयोग चेअरमन जे एन पटेल, न्यायाधीश सुमित मलिक, ऍड बी ए देसाई यांच्या समोर हे संपूर्ण कामकाज चालणार आहे. तर पोलीस अधिकारी विश्वास नांगरे पाटील यांची २९ एप्रिल रोजी साक्ष नोंदवली जाणार आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.