हाजिर हो! दरेकरांना मुंबई पोलिसांकडून नोटीस

उच्च न्यायालयाने दरेकरांना काही दिवसांपूर्वी अटकपूर्व जामीन मंजूर करत दिलासा दिला आहे.
Pravin Darekar Latest Marathi News
Pravin Darekar Latest Marathi NewsSarkarnama

मुंबई : भाजप (BJP) नेते आणि राज्याचे विधान परिषदचे विरोधी पक्षनेते प्रवीण दरेकर (Pravin Darekar) यांना मुंबई पोलिसांनी नोटीस बजावली आहे. त्यानुसार त्यांना शुक्रवारी (ता. 13) पोलीस ठाण्यात हजर राहण्यास सांगितले आहे. उच्च न्यायालयाने दरेकरांना दिलासा देत नुकताच जामीन मंजूर केला आहे. (Pravin Darekar Latest Marathi News)

मुंबै बँकेच्या निवडणुकीत मजूर वर्गातून निवडणूक लढवणारे भाजप नेते प्रवीण दरेकर अडचणीत आले आहेत. या प्रकरणात मुंबई पोलिसांकडून दरेकर यांच्यावर गुन्हा दाखल करण्यात आला आहे.

Pravin Darekar Latest Marathi News
महाराष्ट्र 'त्यांच्या' हातात जाऊ द्यायचा का, हे ठरवण्याची वेळ! हरि नरके विरोधकांवर बरसले

बँकेच्या निवडणुकीत प्रवीण दरेकर यांनी मजूर प्रवर्गातून अर्ज भरला होता. याला आक्षेप घेत तक्रार दाखल करण्यात आली होती. सहकार विभागाने याची चौकशी करुन दरेकरांना अपात्र ठरवले होते. मजूर म्हणून प्रवीण दरेकर हे सदस्यत्वाला अपात्र असल्याचे सहकार विभागाने म्हटले होते.

याप्रकरणी दरेकर यांनी अटकपूर्व जामीनासाठी उच्च न्यायालयात धाव घेतली होती. उच्च न्यायालयाने 35 हजारांच्या वैयक्तिक जातमुचलका दोन जामीनदारांची हमी देण्याचे आदेश दिले होते. त्यानुसार शुक्रवारी माता रमाबाई आंबेडकर पोलिस ठाण्यात बोलावण्यात आले आहे. त्यानुसार पोलीस ठाण्यात जाऊन दरेकर जामीन घेणार असल्याची माहिती आहे.

दरम्यान, कामगार असल्याचा दावा करून दरेकर हे 1999 मध्ये कामगार सहकारी संस्थेचे सदस्य झाले. त्यांनी 2016 मध्ये विधान परिषद निवडणुकीपूर्वी दाखल केलेल्या प्रतिज्ञापत्रात त्यांच्याकडे 2.3 कोटी रुपयांची मालमत्ता होती. त्यांच्याकडे 2.5 लाख रुपयांच्या मासिक उत्पन्नासह 91 लाख रुपयांची रोकड होती, यावरून ते मजूर नसल्याचे दिसून येते, असेही सरकारी वकिलांनी न्यायालयाच्या निदर्शनास आणून दिले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com