Mahavikas Aghadi Maha Morcha : महामोर्चाला शरद पवार करणार संबोधित, सभेला राहणार उपस्थित!

Mahavikas Aghadi Maha Morcha : महाविकास आघाडीने आज महाविराट मोर्चाचे आयोजन केले आहे. (Maha Vikas Aghadi) सकाळी 10.30 वाजल्यापासून या मोर्चाला सुरुवात झाली आहे. या मोर्चात शिवसेना, काँग्रेस आणि राष्ट्रवादी काँग्रेसचे अशा तिन्ही पक्षांचे दिग्गज नेते सहभागी होत आहेत. यादरम्यान, साडेबारा वाजण्याच्या सुमारास महाविकास आघाडीची सभा होणार आहे. या सभेला स्वत:राष्ट्रवादी काँग्रेसचे अध्यक्ष शरद पवार (Sharad Pawar) उपस्थित राहणार आहेत. यावेळी ते सभेला संबोधितही करणार आहेत.

प्रकृतीच्या कारणामुळे शरद पवार सभेला उपस्थित राहणार का? याबाबत चर्चा सुरु होती. मात्र आता शरद पवार हे (Sharad Pawar) साडेबारा वाजता सभेस्थळी येणार असल्याचे स्पष्ट होत आहे. यावेळी ते भाषण देखील करणार आहेत.

साडेदहा वाजता मोर्चाला सुरुवात होणार :

भायखळा भागातील रिचर्डसन्स अँड क्रूडास कंपनी येथून टाइम्स ऑफ इंडियाच्या इमारतीपर्यंत या मोर्चाचा मार्ग निश्चित करण्यात आले आहे.रिचर्ड्स अँड क्रूडास मिलपासून या मोर्चाला सुरुवात होईल. या मोर्चासाठी जवळपास अडीच हजार पोलिसांचा फौजफाटा तैनात असणार आहे.

महाराष्ट्राचे राज्यपाल भगतसिंह कोशारी यांनी केलेले वादग्रस्त विधान, भाजपच्या काही नेत्यांनीही शिवाजी महारांबद्दल महापुरुषांबाबत केलेली वादग्रस्त वक्तव्य.कर्नाटकच्या मुख्यमंत्र्यांची महाराष्ट्र राज्याविरोधी विधाने, बेरोजगारी, महागाई, महाराष्ट्रातील उद्योग इत्यादी मुद्यावरुन महाविकास आघाडी आता अत्यंत आक्रमक झाली आहे.