आयपीएस त्रिपाठी अडचणीत! आधी निलंबन अन् आता लुकआऊट नोटीस

त्रिपाठी हे खंडणीचा गुन्हा दाखल झाल्यापासून फरार
आयपीएस त्रिपाठी अडचणीत! आधी निलंबन अन् आता लुकआऊट नोटीस
IPS Sourabh Tripathi NewsSarkarnama

मुंबई : अंगडिया व्यवसायिकांकडून खंडणी वसुली प्रकरणात आरोपी असलेले IPS अधिकारी सौरभ त्रिपाठी (Sourabh Tripathi) हे फरार आहेत. सत्र न्यायालयाने (Court) त्यांचा अटकपूर्व जामीन अर्ज फेटाळून लावला आहे. तसेच, राज्य सरकारनेही त्यांना आठवडाभरापूर्वीच सेवेतून निलंबित केले आहे. आता त्यांच्या अडचणीत आणखी वाढ झाली असून, त्यांच्या विरोधात लुकआऊट नोटीस काढण्यात आली आहे.

त्रिपाठी यांच्यावर गुन्हा दाखल झाल्यापासून मुंबई पोलीस (Mumbai Police) त्यांचा शोध घेत आहेत. पण अद्याप ते हाती लागलेले नाहीत. त्यांनी अटक टाळण्यासाठी सत्र न्यायालयात जामीन अर्ज केला होता. पण न्यायालयाने त्रिपाठी यांचा अटकपूर्व जामीन अर्ज फेटाळला होता. अंगडिया व्यावसायिकांकडून खंडणी वसुली प्रकरणात दोन आठवड्यांपूर्वी त्रिपाठी यांच्यावर गुन्हा दाखल झाला होता. या प्रकरणी सरकारने त्यांना निलंबित केले होते. आता लुकआऊट नोटीस बजावण्यात आल्याने त्रिपाठींच्या अडचणीत वाढ झाली आहे.

IPS Sourabh Tripathi News
राहुल गांधींनी मारले एकाच दगडात दोन पक्षी! हार्दिक पटेलांची नाराजी दूर अन् नेत्यांनाही चाप

काय आहे प्रकरण?

अंगडिया व्यवसायिकांकडून खंडणी वसुली प्रकरणी मुंबईतील लोकमान्य टिळक मार्ग पोलीस ठाण्यातील ओम वंगाटे, सहाय्यक पोलिस निरीक्षक आणि पोलिस उपनिरीक्षक दर्जाच्या अधिकाऱ्यांवर गुन्हा दाखल करुन अटक केली आहे. प्रा्प्तिकर विभागाच्या कारवाईची भीती दाखवून अंगडिया व्यावसाय करणाऱ्यांकडून पोलिसांनी खंडणी वसुली केली हेाती. या प्रकरणी गुन्हा दाखल झाल्यानंतर स्थानिक पोलिस उपायुक्त डॉ. सौरभ त्रिपाठी यांची बदली करण्यात आली होती. या बदलीनंतर सौरभ त्रिपाठी हे सुटीवर गेले होते. त्यानंतर सहा दिवसांपूर्वी त्यांच्यावर गुन्हा दाखल झाला आहे. आता पोलीस त्यांच्या शोधात आहेत. त्यांनी अटक टाळण्यासाठी न्यायालयात जामीनासाठी अर्ज केला आहे.

IPS Sourabh Tripathi News
स्वतः पवारांनी पाठवले 'ईद मिलन'ला येण्याचे निमंत्रण

कोण आहेत सौरभ त्रिपाठी?

त्रिपाठी हे २०१० च्या तुकडीचे अधिकारी असून त्यांनी अहमदनगरचे पोलीस अधीक्षक म्हणून काम पाहिले आहे. तिथे अण्णा हजारे यांच्या आंदोलनावेळी त्यांनी बंदोबस्तासाठी चांगलं काम केलेले होतं. त्यानंतर मुंबईत परिमंडळ 4 चे पोलीस उपायुक्त म्हणून त्यांची नियुक्ती झाली. त्रिपाठी यांनी प्रोटेक्शन सिक्युरिटी विभागात डीसीपी म्हणून काम पाहिलं आहे. त्यांची नियुक्ती परिमंडळ 2 मध्ये पोलीस उपायुक्त म्हणून करण्यात आली होती. तिथेच त्यांच्यावर खंडणीचे आरोप झाले. आरोपानंतर त्यांची बदली डीसीपी ऑपरेशन या ठिकाणी करण्यात आली. पण त्यांनी अद्याप पदभार स्वीकारलेला नाही.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.