नंदुरबार : आदिवासी विकास मंत्री के. सी. पडवी यांनी थेट विरोधी पक्षनेते देवेंद्र फडणवीस यांना इशारा दिला आहे. भाजपच्या काळात या विभागात मोठा भ्रष्टाचारा झाला असून मी तोंड उघडल्यास महागात पडेल, असं पडवी म्हणाले आहेत. विभागाकडून सध्या चांगलं काम होत असल्यानं फडणवीस आदिवासी खाते आणि मला बदनाम करत असल्याचा आरोप पडवी यांनी केला आहे. (K C Padavi criticize Devendra Fadnavis over Khawti scheme kit)
विधीमंडळ अधिवेशनदरम्यान फडणवीस यांनी विधानसभेबाहेर खावटी अनुदान योजनेतील किट दाखवले होते. या किटमध्ये भेसळ असल्याचा आरोप त्यांनी केला होता. हा आरोप पडवी यांनी फेटाळून लावला आहे. फडणवीस यांनी दाखवलेले किट बनावट असल्याचा दावा पडवी यांनी केला आहे. बाजारातून सुट्टे तेल आणि माल खरेदी करून मीडियासमोर सादर केल्याचा आरोपही पडवी यांनी केला.
महाविकास आघाडी सरकारच्या काळात आदिवासी विकास विभागाकडून चांगलं काम होत आहे. त्यामुळं फडणवीसांकडून आदिवासी खाते आणि मला बदनाम करण्याचा कट केला जात आहे. भाजपच्या काळात या विभागात भाजपच्या काळात मोठे भ्रष्टाचार झाले आहेत. मी तोंड उघडल्यास भाजपाला महाग पडेल, असा इशारा पडवी यांनी दिला आहे.
दरम्यान, राज्यात कमकुवत असलेल्या काँग्रेसमध्येच सध्या मंत्रिमंडळ फेरबदलाचे वारे वाहू लागले आहे. त्यामुळे या पक्षात मानापमानाचे आणि आव्हान देण्याचे प्रयोग सुरू झाले आहे. राज्य मंत्रीमंडळातून दोघांना डच्चू मिळण्याच्या चर्चेने आता गंभीर वळण घेतले आहे. काँग्रेसमधील या घडामोडींकडे भाजप लक्ष ठेवून आहे.
'राजीनामा हवा असेल तर तो ९ किंवा १५ ऑगस्टला घ्या,‘ अशा शब्दांत पडवी यांनी पक्षनेतृत्वाला आव्हान दिले आहे. हे खाते आपल्याकडेच राहील, याची खात्री त्यांनी जाहीरपणे देत आपल्या पदाला धोका नसल्याचे त्यांनी माध्यमांशी बोलताना स्पष्ट केले. दुसरीकडे विदर्भातील तीन मंत्री वेगवेगळ्या कारणांनी टेन्शनमध्ये आहेत.
या बातमीला पडवी (K. C. Padvi) यांनी दुजोरा दिला आहे. तसेच माझ्याबाबत उलट सुलट चर्चा सुरू असली तरी आदिवासी विकास खाते माझ्याकडेच राहील, असा विश्वासही त्यांनी केला. माझ्याबाबतीत उलट सुलट चर्चा आहे. मी सात वेळा निवडून आलो. तसेच यापुर्वी मंत्रिपदही नाकारले होते. यामुळे आदिवासी विकास खाते हे मला दिले आहे. ते खाते पक्षातील ज्येष्ठ म्‍हणून माझ्याकडेच राहिल, असं पडवी यांनी स्पष्ट केलं.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.