पक्षात फूट पडत असताना उद्धव ठाकरे काय करत होते? देणार सर्व प्रश्नांची उत्तरे!

शिवसेनेत (Shivsena) फुट पडल्यानंतर उद्धव ठाकरे यांची पहिलीच मुलाखत प्रसिद्ध होणार आहे
Uddhav Thackeray, Sanjay Raut
Uddhav Thackeray, Sanjay Rautsarkarnama

मुंबई : मुख्यमंत्री एकनाथ शिंदे यांच्या बंडानंतर राज्यातील महाविकास आघाडीचे सरकार कोसळले. शिवसेना (ShivSena) प्रमुख उद्धव ठाकरे (Uddhav Thackeray) यांना मुख्यमंत्रिपदाचा राजीनामा द्यावा लागला. या उलथापालथीनंतर राज्यातील राजकारण मोठ्या प्रमाणात बदलले आहे. शिंदे यांनी भाजपसोबत (BJP) सरकार स्थापन केले. या संपूर्ण घडामोडींवर उद्धव ठाकरे यांची वादळी मुलाखत २६ आणि २७ जुलैला प्रकाशीत होणार असल्याचे, शिवसेनेचे खासदार संजय राऊत (Sanjay Raut) यांनी सांगितले. (Uddhav Thackeray Latest Marathi News)

या संदर्भात संजय राऊत यांनी ट्वीट केले. त्यामध्ये ''जोरदार मुलाखत..सर्व प्रश्नांची सडेतोड उत्तरे..महाराष्ट्राला प्रतीक्षा असलेली मुलाखत..सामना..26 आणि 27 जुलै. मी: साहेब, फुटीर गटाची तुम्हाला एक विनंती आहे. उद्धवजी : बोला..मी त्यांची विनंती लगेच मान्य करतो..खळबळ जनक मुलाखत, असे ट्वीटकरत राऊत यांनी एकनाथ शिंदे आणि भाजप मुंबईला टॅग केले आहे.

Uddhav Thackeray, Sanjay Raut
दगड डोक्यावर ठेवला की छातीवर, हा त्यांचा प्रश्न ; चंद्रकांतदादांवर पवारांची टोलेबाजी

एकनाथ शिंदे यांनी मुख्यमंत्रिपदाची आणि देवेंद्र फडणवीस यांनी उपमुख्यमंत्रिपदाची शपथ घेतली. त्यानंतरही राज्यातील राजकारण शांत झाले नाही. बंडखोर आमदारांनी ठाकरे यांच्यावर टीका करण्यास सुरुवात केली आहे. अशातच उद्धव ठाकरे यांनी शिवसेनेचे मुखपृष्ठ सामनाला रोखठोख मुलाखत दिली आहे. शिवसेनेच्या बंडाळीनंतर `सामना`मधील ही पहिलीच मुलाखत असणार आहे. त्यामुळे या मुलाखतीकडे सर्वांचे लक्ष लागले आहे. आजच्या सामनामध्ये या मुलाखतीबाबात माहितीही प्रकाशित करण्यात आली आहे.

Uddhav Thackeray, Sanjay Raut
सुपारीबाजांचा इतिहास योग्यवेळी सादर करू : वैभव नाईकांचा राणेंना इशारा

'गद्दारांनी केला पाठीवर वार, मग आता वाचाच शिवसेनेच्या 'धनुष्यबाणा'चा टणत्कार!' अशा मजकूरासह सामनामध्ये मुलाखतीबाबात माहिती देण्यात आली आहे. शिंदे यांच्या बंडानंतर राजकीय भूकंप झाला. शिंदे यांनी शिवसेनेच्या 40 आमदारांसह बंड केले. त्यानंतर त्यांच्या गटात १२ खासदार आणि अनेक माजी नगरसेवक कार्यकर्ते सामील झाले. हिंदुत्वाच्या मुद्द्यावर आम्ही वेगळे झालो असल्याचा दावा शिंदे गटाने केला आहे. त्यामुळे शिवसेनेतील बंडाळीनंतर उद्धव ठाकरे यांची ही पहिलीच मुलाखत आहे. ते नेमके काय बोलणार? याकडे सर्वांचे लक्ष लागले आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in