Hasan Mushrif News: राष्ट्रवादीचे नेते हसन मुश्रीफ यांना उच्च न्यायालयाने दिलासा दिला आहे. मुश्रीफ यांना पुढील दोन आठवडे अटकेची कारवाई न करण्याचे निर्देश न्यायालयाने दिले आहेत. यासोबतच त्यांना अटकपूर्व जामीन अर्ज करण्याच्याही सूचना न्यायालयाने दिल्या आहेत.
11 जानेवारीच्या छाप्यानंतर हसन मुश्रीफ अध्यक्ष असलेल्या कोल्हापूर जिल्हा मध्यवर्ती सहकारी बँकेच्या मुख्य कार्यालयासह घोरपडे कारखान्याशी संबंधित दोन शाखांवर ईडीने छापे टाकले होते. बँकेच्या मुख्य कार्यकारी अधिकार्‍यांसह अन्य अधिकार्‍यांना चौकशीसाठी मुंबईला नेले होते. बँकेतून घोरपडे कारखान्याशी संबंधित काही कागदपत्रे ताब्यात घेतली होती. त्याचप्रमाणे साखर कारखान्यांना दिल्या जाणार्‍या कर्जाची कागदपत्रे असलेली बँकेतील खोली ईडीने सील केली आहे.
मुश्रीफ यांनी सोमवारी उच्च न्यायालयात धाव घेऊन ईडीच्या कारवाईवर प्रश्नचिन्ह उपस्थित केले आणि अनुसूचित गुन्ह्याशी संबंधित एफआयआर रद्द करण्याची आणि या प्रकरणात त्यांच्याविरुद्ध कोणत्याही जबरदस्तीच्या कारवाईला स्थगिती देण्याची मागणी केली. शनिवारी त्यांच्या कोल्हापुरातील घराची झडती घेतल्यानंतर एजन्सीने ही माहिती दिली. झडती घेतली त्यावेळी मुश्रीफ घरी नव्हते.
कोल्हापूरच्या सर सेनापती संताजी घोरपडे साखर कारखान्यावर 40 कोटी रुपयांच्या कथित वळतीप्रकरणी माजी कामगार मंत्र्यांवर शनिवारचा छापा हा तिसरा छापा होता, ज्यावर त्यांचे कुटुंब आणि नातेवाईक कथितरित्या चालवतात.
मुश्रीफ यांच्यावर सोमय्यांनी केलेल्या आरोपांनंतर कारवाई सुरू झाली आहे. मुश्रीफ यांनी १५७ कोटींच मनी लॉन्ड्रिंग केले, अप्पासाहेब नलावडे कारखान्यात १०० कोटींचा घोटाळा केला, मुश्रीफांनी निकटवर्तीयांसाठी कारखाना खरेदी केला, साखर कारखाना खरेदी करताना काळा पैसा गुंतविला, ग्रामविकास विभागाचे टेंडर जावायाला देऊन १५०० कोटींचा घोटाळा केल्याचे आरोप आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
