Hasan Mushrif News : माजी मंत्री आणि राष्ट्रवादी कॉंग्रेसचे नेते हसन मुश्रीफ (Hasan Mushrif) यांच्या तिन्ही मुलांना न्यायालयाने दिलासा दिला आहे. त्यांच्या तिनही मुलांच्या अटकपूर्ण जामीन अर्जावरील सुनावणी पुढील आठवड्यापर्यंत पुढे ढकलली आहे. त्यामुळे तुर्तास तरी त्यांच्या मुलांविरोधात कोणतीही कारवाई करणार नसल्याचे ईडीकडून सांगण्यात आले. 35 कोटी रुपयांच्या मनी लाँड्रिंग प्रकरणात ईडीकडून मुश्रीफ यांच्याविरोधात गुन्हा दाखल करण्यात आला होता. त्यानंतर त्यांच्या तिन्ही मुलांनी अटकपूर्व जामीनासाठी मुंबई सत्र न्यायालयात धाव घेतली होती.
पण हसन मुश्रीफ यांची मुलं नाविद मुश्रीफ, आबिद मुश्रीफ आणि साजिद मुश्रीफ यांच्या अटकपूर्व जामीनाला ईडीने कडाडून विरोध केला आहे. तर मुश्रीफांच्या मुलांच्या बाजूने ज्येष्ठ वकील आबाद पोंडा, अमित देसाई आणि प्रशांत पाटील न्यायालयात बाजू मांडत आहेत. राजकीय हेतूनं मुलांच्या अटकेच्या धमक्यांचा दिल्या जात असल्याचा दावा मुश्रीफांच्या बाजूने करण्यात येत आहे. मात्र मुश्रीफांच्या मुलांनी चौकशीमध्ये कोणत्याही प्रकारचे सहकार्य केलं नाही. चौकशीसाठी समन्स बजावूनही ते हजर राहिले नाहीत. जामीन दिल्यास चौकशीवर परिणाम होईल, असा दावा ईडीकडून करण्यात आला आहे.
दरम्यान, गेल्या महिन्यात, हसन मुश्रीफ यांच्याविरोधात 40 कोटींची फसवणूक केल्याचा आरोप करत मुरगूड पोलीस ठाण्यात गुन्हा दाखल करण्यात आला आहे. विवेक कुलकर्णी यांनी हा फसवणुकीचा गुन्हा दाखल केला होता. पण मुश्रीफ यांनी हे सर्व आरोप फेटाळून लावत हे आपल्याविरोधातील षड्यंत्र असल्याचे मुश्रीफांनी सांगितलं. त्यानंतर आपल्याविरोधात मुरगूड पोलीस ठाण्यात दाखल झालेला गुन्हा रद्द करण्यासाठी मुश्रीफांच्या मुलांनी मुंबई उच्च न्यायालयात धाव घेतली आहे.
ईडी प्रकरणात गोवण्यासाठी आपल्यावर हा गुन्हा दाखल करुन अडकवण्यासाठी प्रयत्न सुरू असल्याचा दावा याचिकेत करण्यात आला आहे. तसेच, या याचिकेवर सुनावणी पूर्ण होईपर्यंत कोणतीही कारवाई तसेच आरोपपत्र दाखल केले जाऊ नये, अशी मागणी या याचिकेत करण्यात आली आहे.
मुश्रीफांविरोधात तक्रार देणाऱ्यांसह 16 जणांविरोधातही फसवणुकीचा गुन्हा दाखल करण्यात आल्याची माहिती आहे. ४० कोटींचा गैरव्यवहार केल्याचा आरोप मुश्रीफांवर करण्यात आला आहे. सभासदांची कोणतीही संमती न घेता मुश्रीफ यांच्याविरोधात फिर्याद दिल्याप्रकरणी विवेक कुलकर्णी यांच्यासह 16 जणांवर मुरगूड पोलिसांत फसवणुकीचा गुन्हा दाखल करण्यात आला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
