Eknath Shinde : जेवणावर खर्चाचा 'वर्षा'व : शिंदे सरकारने फक्त 3 महिन्यात तब्बल 2.38 कोटी उधळले !

Eknath Shinde : महाराष्ट्राचे मुख्यमंत्री एकनाथ शिंदे यांच्या शासकीय निवास्थानावरील जेवणाचा खर्चाबाबत माहिती अधिकारीतून मोठी माहिती समोर आली आहे. शिंदे यांच्या शासकीय निवासस्थानावर केवळ तीनच महिन्यात, जेवणासाठी तब्बल २ कोटी ३८ लाख रुपये खर्च झाल्याची माहिती उघड झाली आहे. माहिती अधिकार कार्यकर्ते असलेले नितीन संजय यादव, संबंधित माहितीची मागणी केली होती.

मिळालेल्या माहितीनुसार, मुख्यमंत्री एकनाथ शिंदे यांच्या वर्षा या शासकिय निवासस्थानावर जेवण, खाणपानासाठी १ जुलै २०२२ ते ३१ ऑक्टोबर २०२२ या केवळ १२३ दिवसांच्या कालावधीत २ कोटी ३८ लाख ३४ हजार ९५८ एवढे रुपये खर्च करण्यात आले आहेत. म्हणजेच जेवण व खाणपानासाठी दिवसाला अंदाजे १ लाख ९३ हजार रुपयांचा खर्च वर्षा या शासकीय निवास्थानावर झालेला आहे.

यापूर्वी शिंदे-फडणवीस सरकारने नुकतंच जाहीरातींसाठी मोठा खर्च केल्याचे समोर आले होते. केवळ सात महिन्यातच जाहिरातींवर तब्ब्ल ४२ कोटी रुपये शासनाच्या तिजोरीतून खर्च केल्याची माहिती पुढे आली होती. यानंतर आता मुख्यमंत्री शिंदेच्या निवासस्थानात खाणपानासाठी शासनाच्या तिजोरीतून ४२ कोची रूपये खर्च झाल्याची माहिती मिळाल्याचे माहिती अधिकार कार्यकर्ते यादव यांनी सांगितले.

तसेच सह्याद्री या शासकीय अतिथिगृहाता 'चहा कॅाफी नाश्ता'साठी केवळ आठच दिवसांमध्ये ९१ हजार ५०० रुपये खर्च झाल्याची माहिती समोर आली आहे. मुख्यमंत्रांना भेटायला आलेल्या, मुख्यमंत्र्यांच्या बैठकीत सामील झालेल्या अभ्यगतांसाठी चहा, कॉफी, थंड पेयासाठी ३ लाख ४९ हजार ९२९ रुपयांचा खर्च झाल्याची माहितीही समोर आले आहे. शिंदेंनी सरकारकडून होणारा हा वारेमाप खर्चात घट करावी, हा खर्च कमी करण्याचा प्रयत्न करावा, अशी विनंती यादव यांनी केलेली आहे.