विधान परिषद निवडणूक : भाजपची खिंड लढवणाऱ्या चित्रा वाघांना संधी मिळणार का?

विधान परिषदेसाठीही मोठी चुरस असणार आहे
विधान परिषद निवडणूक : भाजपची खिंड लढवणाऱ्या चित्रा वाघांना संधी मिळणार का?
BJP leader Chitra WaghSarkarnama

मुंबई : विधान परिषदेच्या (Legislative Council Election) दहा जागांसाठी आज निवडणूक जाहीर झाली आहे. त्यामुळे राज्यसभेपाठोपाठ या निवडणुकीचीही धामधूम सुरू होणार आहे.

सभापती रामराजे निंबाळकर यांच्यासह सुभाष देसाई, दिवाकर रावते, (शिवसेना) प्रवीण दरेकर, सदाभाऊ खोत, प्रसाद लाड, विनायक मेटे, सुजितसिंह ठाकूर, स्व. आर. एस. सिंह, (सर्व भाजप) संजय दौंड (राष्ट्रवादी) हे दहा सदस्य निवृत्त होणार आहे. विधानसभेतील संख्याबळानुसार भाजपचे दोन सदस्य कमी निवडून येतील.

BJP leader Chitra Wagh
Sarkarnama-Cricketnama : मुंडे, पटोले, विश्वजित, नार्वेकर भिडणार मैदानावर

महाविकास आघाडीचे सहा आणि भाजपचे (BJP) चार या प्रमाणे नव्या रचनेनुसार आमदार निवडून येतील. भाजपकडून विद्यमान सदस्यांत खोत यांचे नाव येण्याची शक्यता सर्वाधिक कमी आहे. ठाकूर हे सध्या आजारी आहेत. त्यामुळे त्यांच्याऐवजी इतरांना संधी मिळू शकते. भाजपच्या विद्यमान आमदारांपैकी प्रवीण दरेकर यांचे पद निश्चित मानले जात आहे. मुंबई महापालिकेच्या निवडणुकीसाठी म्हणून लाड यांचाही फेरविचार होऊ शकतो. नव्या सदस्यांत भाजपकडून पंकजा मुंडे, चित्रा वाघ (Chitra Wagh), कृपाशंकरसिंह, माजी मंत्री अनिल बोंडे यांच्या नावाची चर्चा आहे. विनायक मेटे मात्र गॅसवर राहू शकतात. त्याऐवजी इतर नेत्यांना भाजप संधी देण्याची शक्यता आहे.

BJP leader Chitra Wagh
Video: Sarkarnama Face-Off Full Episode महाराष्ट्रातील राजकारणातील ड्रामा क्वीन कोण? पहा तरुण नेत्यांचा Faceoff

महाराष्ट्रात राज्यसभेत पाठोपाठ आता विधानपरिषदेचीही निवडणूक होत असल्याने अनेक राजकीय घडामोडींची शक्यता आहे. राज्यसभेतील तडजोडीचे पडसाद या निवडणुकीत उमटू शकतात. विधान परिषदेसाठी 20 जूनला निवडणूक होणार आहे. विधान परिषदेवर निवडून यायचे असेल तर 27 मतांची आवश्यकता असणार आहे. भाजप आणि मित्रपक्ष मिळून संख्याबळ 113 होत आहेत. त्यामुळे भाजपच्या चार जागा निवडून येऊ शकतात. राष्ट्रवादी काँग्रेसचे (NCP) 53, शिवसेना (Shivsena) 56 आणि कॉंग्रेसचे (Congress) 44 आमदार आहे. विधानपरिषदेसाठी इच्छुकांनी हालचाली सुरू केल्या आहेत.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in