एकनाथ शिंदेंशी संपर्क झाला, चंद्रकांत पाटील यांनीच सगळी व्यवस्था केलीय! संजय राऊतांचं मोठं विधान

एकनाथ शिंदे यांच्यासह वीसहून अधिक आमदार गुजरातमध्ये आहेत.
एकनाथ शिंदेंशी संपर्क झाला, चंद्रकांत पाटील यांनीच सगळी व्यवस्था केलीय! संजय राऊतांचं मोठं विधान
Shiv Sena MP Sanjay Raut Latest Marathi News Sarkarnama

मुंबई : विधान परिषदेच्या निवडणुकीनंतर शिवसेनेत भूकंप झाले आहे. पक्षाचे मोठे नेते व मंत्री एकनाथ शिंदे निवडणुकीनंतर नॉट रिचेबल आहेत. त्यांच्यासह चार मंत्री आणि जवळपास वीसहून अधिक मंत्री त्यांच्यासोबत असल्याची माहिती समोर आली आहे. शिंदे यांच्यासह बहुतेक जण गुजरातमध्ये असल्याची माहिती आहे. (Eknath Shinde Latest Marathi News)

एकनाथ शिंदे गायब झाल्यानंतर संजय राऊत (Sanjay Raut) यांनी मंगळवारी सकाळी माध्यमांशी संवाद साधला. एकनाथ शिंदे गुजरातला गेल्यामागे भाजपचाच हात असल्याचा आरोप राऊतांनी केला आहे. शिंदे यांच्याशी संपर्क झाला आहे. ते चर्चेसाठी तयार आहे. काही आमदारांशीही संपर्क झाला असून त्यांना परत येण्याची इच्छा आहे. पण तिथे घेराबंदी करण्यात आली आहे, असे राऊत म्हणाले.

Shiv Sena MP Sanjay Raut Latest Marathi News
Eknath Shinde News : शिवसेनेच्या 'या' चार मंत्र्यांसह वीसहून अधिक आमदार नॉट रिचेबल

एकनाथ शिंदे हे कडवे शिवसैनिक आहेत. ते आमचे जीवाभावाचे सहकारी आहेत. मुंबईवर विजय मिळवण्याची भाजपची भाषा आहे. ठाकरे सरकार पाडण्याचा भाजपाच प्रयत्न केला जात आहे. भ्रम आणि फसवणूक करून आमदारांना गुजरातला नेले. भाजपचा हा घाव छातीवर नसून पाठीवर आहे, अशी टीका राऊतांनी केली.

सर्व निष्ठावंत शिवसैनिक आहेत. एकनाथ शिंदे यांच्याशी संपर्क झाला. सात स्तरांची सुरक्षाव्यवस्था दिली आहे. हे कशासाठी सुरू आहे. मध्य प्रदेश पॅटर्न राबवण्याचा हा प्रयत्न आहे. महाराष्ट्राला अस्थिर करण्याची योजना आखली जात आहे. आमचे शिवसैनिक परत येतील. संपर्क साधला जात आहे, असं राऊतांनी स्पष्ट केलं.

Shiv Sena MP Sanjay Raut Latest Marathi News
एकनाथ शिंदेंची नाराजी शिवसेनेला भोवली?; 11 मतांना भाजपचा सुरुंग...

हे आहेत नॉट रिचेबल आमदार

1. एकनाथ शिंदे

2. दादा भुसे

3. शंभूराज देसाई

4. अब्दुल सत्तार

6. संजय सिरसाट

7. संदीपान भुमरे

8. शहाजी पाटील

9. तानाजी सावंत

10. प्रकाश आबिटकर

11. ज्ञानराज चौगुले

12. किशोर पाटील

13. प्रताप सरनाईक

14. रमेश बोरणारे

15. उदयसिंह राजपूत

16. प्रदीप जैस्वाल

17. महेश शिंदे

18. शांताराम मोरे

19. विश्वनाथ भोईर

20. संजय राठोड

21. संजय गायकवाड

22. भरत गोगावले

23. महेंद्र थोरवे

24. श्रीनिवास वनगा

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in