महाविकास आघाडीत वाद पेटला! प्रणिती शिंदेंचा राष्ट्रवादीला थेट निर्वाणीचा इशारा

उजनीतील पाणी इंदापूर आणि बारामती तालुक्याला देण्यास प्रणिती शिंदे (Praniti Shinde) यांनी विरोध केला आहे
Praniti Shinde
Praniti Shindesarkarnama

सोलापूर : इंदापूर तालुक्‍यातील दहा गावे आणि बारामती तालुक्‍यातील ७ गावांच्या शेतीच्या पाण्यासाठी १९९५ पासून लाकडी-निंबोडी योजनेची मागणी होत होती. या मागणीला पालकमंत्री दत्तात्रय भरणे (Dattatray Bharane) यांच्या पुढाकाराने यश आले आहे. या योजनेच्या अंदाजपत्रकास राज्य सरकारने ३४८ कोटी रुपयांना प्रशासकीय मान्यता दिली आहे. यामुळे मात्र, महाविकास आघाडीमध्ये (Mahavikas Aghadi) वाद पेटला आहे.

या योजनेमुळे सोलापूर जिल्ह्याचे उजनीतील पाणी कमी होईल, अशी चर्चा सुरू झाली आहे. त्यावर काँग्रेसच्या (Congress) आमदार प्रणिती शिंदेच (Praniti Shinde) मैदानात उतरल्या आहेत. यामुळे आघाडीतूनच भरणे यांच्या योजनेला विरोध सुरु झाला आहे. सोलापूरचे (Solapur) पाणी पळविण्याचा प्रयत्न केला तर रानपेटवू, असा इशारा शिंदे यांनी दिला. मला सत्तेशी काहीही देणेघेणे नाही, मी लहानपणापासून सत्ता पाहिली असल्याचेही शिंदे म्हणाल्या. उजनी धरणाचे (Ujani Dam) पाणी इंदापूर आणि बारामतीला (Baramati) देण्याच्या प्रश्नावर शिंदे यांनी आपली भूमिका स्पष्ट केली.

Praniti Shinde
धनंजय मुंडेंची, पंकजांच्या डोक्यावर मायेची टपली; बंधु-भगिनीचा मिष्किल अंदाज!

शिंदे म्हणाल्या, उजनीचे पाणी 20 वर्षापूर्वी सुशीलकुमार शिंदे (Sushilkumar Shinde) यांनी पाईपलाईनद्वारे सोलापूरला आणले. आता उजनी प्लसमध्ये असूनही महापालिकेकडून याचे नियोजन होत नाही. महापालिकेमध्ये कॉंग्रेसची सत्ता असताना दुष्काळातसुध्दा दोन दिवसाआड सोलापूरला पाणी मिळत होते. तेव्हा तर उजनी धरण मायनसमध्ये होते तरीही पाणीपुरवठा सुरळीत ठेवला होता, असेही शिंदे यांनी सांगितले.

त्याच बरोबर पृथ्वीराज चव्हाण (Prithviraj Chavan) हे मुख्यमंत्री असताना एका रात्रीत दोन कोटी रुपये खर्च करुन एका रात्रीत पाणी आणले. राज्यात दुष्काळ पडल्यानंतर देखील आम्ही हद्दवाढ भागातही दोन दिवसाआड पाणी देण्याचा प्रयत्न केला. आता उजनी प्लसमध्ये असतानासुद्धा पाणी दुसरीकडे वळवण्याचा प्रयत्न होत असेल तर आम्ही काय मेलो का, असा रोखठोक सवाल त्यांनी केला.

Praniti Shinde
धनंजय मुंडे भाग्यवान, असे पंकजा का म्हणाल्या?

मला सत्तेशी काहीही देणेघेणे नाही. मी लहानपणापासून सत्ता पाहिली आहे. सोलापूरकरांचे पाणी जर दुसरीकडे वळवले तर खबरदार आम्ही रान पेटवल्याशिवाय राहणार नाही. आम्हांला रोज पाणी द्या आणि आमच्या पाण्याला हात लावू नका, अशी भूमिका आमदार शिंदे घेतली आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in