Mumbai : शिवसेना नाव आणि धनुष्यबाण चिन्ह हे केंद्रीय निवडणूक आयोगाने मुख्यमंत्री एकनाथ शिंदे यांच्या गटाला दिले. त्यामुळे उद्धव ठाकरे (Uddhav Thackeray) यांना मोठा धक्का बसला. मात्र, शिवसेनेचा (Shivsena) ताबा शिंदेंकडे गेल्यानंतर आता शिवसेना भवनाचे काय होणार? असा प्रश्न राजकीय वर्तुळात उपस्थित केला जात आहे.
असे असतानाच आता शिवसेना भवनाविरोधात धर्मादाय आयुक्तांकडे तक्रार करण्यात आली आहे. शिवसेना भवन आणि शिवाई ट्रस्टच्या विरोधात योगेश देशपांडे यांनी धर्मादाय आयुक्तांकडे तक्रार केल्याची माहिती समोर आली आहे.
राजकीय पक्षाला एखाद्या ट्रस्टची वास्तू वापरायला का देण्यात आली? असा वापर हा ट्रस्टच्या नियमांचे उल्लंघन होत नाही का? होत असेल तर त्यावर कारवाई करावी, तसेच या ट्रस्टचे आतापर्यंत झालेले नुकसान वसूल का करण्यात येऊ नये, असे अनेक प्रश्न योगेश देशपांडे यांनी आपल्या तक्रारीत उपस्थित केले आहेत.
शिवसेना भवनाची जागा कुणाची आहे? सर्वांनाच वाटत होते की, ही जागा शिवसेनेची आहे. मात्र, ही जागा शिवाई ट्रस्टची असल्याची माहिती समोर आली आहे. त्यामुळे ट्रस्टची जागा भाडे तत्वावर देता येते का? मग इतके दिवस एखाद्या ट्रस्टची वास्तू एका राजकीय पक्षाने कशी वापरली? या वापरासाठी परवानगी होती का? असे अनेक प्रश्न देशपांडे यांनी उपस्थित केले.
दरम्यान, अभय देशपांडे यांनी धर्मादाय आयुक्तांकडे केलेल्या तक्रारीनंतर आता शिवसेना भवनाच्या मालकीचा वाद रंगण्याची शक्यता आहे. त्यामुळे यावर आता धर्मादाय आयुक्त काय निर्णय घेणार हे पाहणं महत्वाचं असणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
