सोमय्यांवरील हल्ल्याची गंभीर दखल; यापुढे दिसता क्षणी गोळ्या घालण्याचे आदेश?

kirit Somaiya | Attack : CISF ने घेतली गंभीर दखल
सोमय्यांवरील हल्ल्याची गंभीर दखल; यापुढे दिसता क्षणी गोळ्या घालण्याचे आदेश?
Kirit Somaiya Sarkarnama

मुंबई : भाजप नेते आणि माजी खासदार किरीट सोमय्या यांच्यावर शनिवारी (२३ एप्रिल) रोजी दुसऱ्यांदा हल्ला झाला. यानंतर सीआयएसएफने या हल्लाची गंभीर दखल घेतली असून यापुढे असा हल्ला झाल्यास हल्लेखोरांना दिसता क्षणी गोळ्या घालण्याचे आदेश देण्यात आले असल्याची माहिती सुत्रांनी दिली आहे. सीआयएसएफच्या कमांडो विभागाने हल्ल्यावेळचे सीसीटीव्ही फुटेज मागितले असून सीआयएसएफच्या कमांडर यांनी याबाबत मुंबई पोलिस आयुक्तांशी चर्चा केली असल्याची माहिती मिळत आहे.

दरम्यान, या आदेशाची अंमलबजावणी करण्यापूर्वी सीआयएसएफच्या जवानांवर असा हल्ला रोखण्याची प्राथमिक जबाबदारी असते. सुरुवातीच्या टप्प्यात हल्लेखोरांना पांगवण्यासाठी हवेत गोळीबार करावा लागतो, अशी कायद्यात तरतुद आहे. सुरक्षा दलांना थेट गोळ्या घालण्याच्या आदेशाची अमंलबजावणी अतिशय दुर्मिळातील दुर्मिळ घटनेमध्ये करता येते, असे सुरक्षा क्षेत्रातील तज्ज्ञांनी सांगितले.

दरम्यान खासदार नवनीत राणा (Navneet Rana) आणि आमदार रवी राणा (Ravi Rana) यांना अटक झाल्यानंतर त्यांना भेटायला गेले असता खास पोलिस स्टेशनजवळ किरीट सोमय्या (Kirit Somaiya) यांच्यावर हल्ला झाला होता. या हल्ल्यात त्यांच्या गाडीची काच फुटली असून त्यांच्या हनुवटीला दुखापत झाली आहे. दरम्यान हल्ल्यानंतर बोलताना हा हल्ला शिवसैनिकांनी केल्याचा दावा सोमय्यांनी केला आहे.

Kirit Somaiya
औरंगाबादमध्ये जमावबंदी; राज ठाकरेंच्या सभेला परवानगी मिळण्याची शक्यता धूसर

सोमय्या यांच्यावर यापूर्वी पुणे महानगरपालिकेच्या आवारात देखील हल्ला झाला होता. फेब्रुवारी महिन्यात पुण्यातील जम्बो कोविड सेंटरमध्ये झालेल्या भ्रष्टाचाराची चौकशी करण्याची मागणी करणासाठी सोमय्या पुणे महापालिकेत गेले होते. त्यावेळी त्यांच्यावर पहिल्यांदा हल्ला झाला होता. त्यावेळी त्यांच्या हाताला दुखापत झाली होती. हा हल्ला देखील शिवसैनिकांनीच केल्याचा दावा सोमय्यांनी केला होता. दरम्यान दोन वेळा झालेल्या या हल्ल्यांनंतर CISF वरिष्ठांनी गंभीर दखल घेतली आहे.

Kirit Somaiya
आधी काँग्रेसवर टीका मग भाजपचे कौतुक अन् आता भगवं वस्त्र : हार्दिक पटेल 'हात' सोडणार?

किरीट सोमय्यांचे पोलिसांवर गंभीर आरोप :

दरम्यान या हल्ल्यानंतर किरीट सोमय्या आक्रमक झाले असून त्यांनी मुंबई पोलिस आयुक्तांनी FIR कॉपीवर आपली खोटी सही केल्याचा आरोप केला आहे. तसेच मुख्यमंत्री उद्धव ठाकरे आणि राज्य सरकार यांच्यावर बनवाबनवी केली असल्याचाही आरोप केला आहे. या प्रकरणी आपण फौजदारी तक्रार देणार असल्याचे त्यांनी सांगितले आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.