Cabinet Expansion Of Maharashtra Government : मुख्यमंत्री एकनाथ शिंदे यांना सर्वोच्च न्यायालयाने सर्वात मोठा दिलासा दिला आहे. सर्वोच्च न्यायालयाने विधानसभा अध्यक्ष, राज्यपाल यांच्या निर्णयावर ताशेरे ओढतानाच, तत्कालीन मुख्यमंत्री उद्धव ठाकरे यांनी राजीनामा दिला नसता तर आम्ही ठाकरेचं सरकार पूर्वरत केलं असते, असे न्यायालयाने म्हंटले आहे. यामुळे आता राज्यात पुन्हा मुख्यमंत्री म्हणून एकनाथ शिंदे हे राहणार, हे आता स्पष्ट झाले आहे.
शिंदे-फडणवीस सरकार तूर्तास तरी कायम राहणार असल्याचे आता स्पष्ट झाले आहे. यामुळे आता शिंदे-फडणवीस सरकारचा मंत्रिमंडळ विस्ताराचा मार्ग मोकळा झाला आहे. राज्य सरकारातील मंत्रिमंडळ विस्तार अखेर पक्का झाल्याची माहिती समोर येत आहे. शिवसेना आणि भाजप (BJP) सरकारचा मंत्रिमंडळ विस्तार १५ मे नंतर होण्याची शक्यता आहे. मंत्रिमंडळ विस्ताराला केंद्रीय गृहमंत्री अमित शाह (Amit Shah) यांनी हिरवा कंदील दाखवल्याची माहिती यापूर्वीच असे वृ्त्त आले होते.
पहिल्या मंत्रिमंडळात शिंदे गट आणि भाजपकडून प्रत्येकी नऊ आमदारांना मंत्रिपदाची संधी देण्यात आली होती. आता शिंदे गटाकडून आमदार बच्चू कडू, आमदार संजय शिरसाट, प्रतोद भरत गोगावले, आमदार प्रताप सरनाईक, आमदार यामिनी जाधव, आमदार रवी राणा यांना मंत्रिमंडळ विस्तारात संधी मिळण्याची शक्यता आहे. यांच्यासह १९ जणांचा मंत्रिमंडळात समावेश होण्याची शक्यता आहे
दरम्यान, आज सत्तासंघार्षाचा निकाल आल्यानंतर मंत्रिमंडळाचा दुसरा विस्तार याचं टायमिंग जुळून येणार का? याबाबत चर्चा होत होती. मात्र आता मंत्रिमंडळाचा निर्णय होणे, अपेक्षित आहे. भाजप व शिंदे गटातील आमदारांच्या पुन्हा एकदा आशा पल्लवित झाल्या आहेत. १३ मे रोजी कर्नाटक विधानसभा निवडणुकींचा निकाल आल्यानंतर मंत्रिमंडळ विस्तार होण्याची दाट शक्यता आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
