Rahul Gandhi Visits Matoshree : राहुल गांधींचे 'मातोश्री' भेटीच्या चर्चेवरून भाजप मंत्र्यांची टीका; म्हणाले, "त्यांच्या गाठीभेटी..."

Rahul Gandhi Meet Uddhav Thackeray : राहुल गांधींच्या निशाण्यावर नेहमी राहुल गांधी असतात. मात्र काही दिवसांपूर्वी जाहीर सभेतून शिवसेना ठाकरे प्रमुख उद्धव ठाकरे यांनी राहुल गांधींना इशारा दिला होता. सावरकरांचा अवमान यापुढे सहन करणार नाही, असा दमच ठाकरेंनी भरला होता.

यानंतर महाविकास आघाडीत (Mahavikas Aghadi) काही मतभेद निर्माण झाल्याचे पाहायला मिळाले. आता यांनतर राहुल गांधी मातोश्रीवर (Matoshree Niwas) ठाकरेंच्या भेटीसाठी येणार असल्याचे समजते आहे. यावरूनच आता भाजपने (BJP News) शिवसेना ठाकरे गटावर हल्लाबोल सुरू केले आहे.

भाजपचे नेते व आमदार अतुल सावे यांनी उद्धव ठाकरे यांच्यावर जोरदार टीका केली आहे. छत्रपती संभाजीनगर शहरात माध्यम प्रतिनिधींशी बोलतान त्यांनी ही प्रतिक्रिया दिली आहे. यावेळे त्यांनी राहुल गांधीच्या संभाव्य भेटीवरून ठाकरेंना लक्ष्य केले आहे.

नेमकं काय बोलले अतुल सावे?

"महाविकास आघाडीतल्या वेगवेगळ्या नेत्यांकडून रोज वेगवेगळी विधाने येत आहेत. सकाळी काँग्रेस प्रदेशाध्यक्ष नाना पटोले वेगळे विधान करतात. त्यानंतर राष्ट्रवादीचे अध्यक्ष शरद पवार आणि ठाकरे गट प्रमुख उद्धव ठाकरे वेगवेगळे दावे करतात. यामुळे महाविकास आघाडीतभूमिका घेण्यावरून एकमत नसल्याचे दिसून येते, असे अतुल सावे म्हणाले.

"केवळ भेटीगाठी घेऊन समन्वय साधला जात नाही. तर हा समन्वय विचारांमध्ये असावा लागतो. ते कितीही वेळा एकमेकांची भेट राहिले, त त्याचा काही उपयोग होणार नाही," अशी टीका मंत्री अतुल सावे यांनी केली.