Politics News : मनसे अध्यक्ष राज ठाकरे यांना पत्र लिहून मनसेच्या एका बड्या नेत्याने तडकाफडकी राजीनामा दिला आहे. आगामी महापालिका निवडणुका लवकरच जाहीर होण्याची शक्यता आहे. त्या आधीच मनसेच्या मोठ्या नेत्याने राजीनामा दिल्यामुळे राज ठाकरे यांच्यासाठी हा मोठा धक्का मानला जात आहे.
महाराष्ट्र नवनिर्माण सेनेचे 'मसल मॅन' अशी ओळख असलेल्या मनिष धुरी यांनी राज ठाकरे यांना पत्र लिहून आपल्या पदाचा तडकाफडकी राजीनामा दिला आहे. मनिष धुरी हे मनसेचे अंधेरी विभागाचे अध्यक्ष आहेत. तसेच धुरी हे राज ठाकरेंचे भारतीय विद्यार्थी सेनेपासून कट्टर समर्थक आहेत.
मनिष धुरी यांनी राजीनामा दिल्यामुळे राजकीय वर्तुळात चर्चेला उधाण आलं आहे. तसेच त्यांनी पक्षातील गटबाजीमुळे राजीनामा दिल्याची चर्चाही सुरू आहे. राज ठाकरे यांना पत्र लिहून आपल्याकडील असणाऱ्या सर्व पदांचा राजीनामा देत असल्याचं त्यांनी म्हटलं आहे.
धुरी यांच्या जागी अंधेरी विभाग अध्यक्षपदाची धुरा कुणाकडे जाणार? याची चर्चा आता सुरू झाली आहे. दरम्यान, मुंबई महापालिकेच्या निवडणुकीसाठी सर्वच राजकीय पक्षांची मोर्चेबांधणी सुरू आहे. असे असतानाच धुरी यांनी राजीनामा दिल्यामुळे याचा फटका मनसेला बसण्याची शक्यता आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
