Chhagan Bhujbal : 'महाराष्ट्र सदन घोटाळ्यात भुजबळांना पवारांची क्लिनचीट'

मुंबई : राष्ट्रवादीचे नेते छगन भुजबळ (Chhagan Bhujabal) यांचा आज अमृत महोत्सव सोहळा कार्यक्रम आयोजित करण्यात आले होते. यावेळी मविआचे दिग्गज नेते एकाच मंचावर आले होते. भुजबळ यांचा राष्ट्रवादी अध्यक्ष शरद पवार यांच्या हस्ते सत्कार करण्यात आला. यावेळी विविध नेत्यांनी भुजबळ यांच्या प्रती आपल्या भावना व्यक्त केल्या. विरोधीपक्षनेते अजित पवार (Ajit Pawar) यांनीही यावेळी भाषण केले.

अजित पवार म्हणाले, भुजबळ यांनी आपल्या कारकिर्दीत आपल्या कार्याचा ठसा उमटवला. त्यांच्यावर आ़जपर्यंत कोणकोणते आघात झालेत हे आपण सर्व जाणतोच. दुसऱ्या नेत्यावर असे आघात झाले असते तर त्याने राजकारण सोडलं असतं. नव्या उमेदीने त्यांनी हे सर्व सहन केलं. भुजबळांचा पुनर्जन्म झाला. भुजबळ साहेब मुख्यमंत्री झाले असते. पण तसा योग आला नाही. भुजबळ साहेबांनी अभिनयसुद्धा केले आहे. ते आज राजकारणात आहेत, त्यामळे आज महाराष्ट्र एका नटसम्राटाला मुकलाय, असे अजित पवार म्हणाले.

भुजबळ साहेबांच्या नेतृत्वात दिल्लीत महाराष्ट्र सदन बांधले गेले. याबाबतीत त्यांच्यावर अनेक आरोप करण्यात आले. त्यांची बदनामी केली गेली. भुजबळ यांची प्रतिमा बदनाम करण्यात आली. बदनामी करून प्रतिमा मलिन करण्याचा प्रयत्न केला गेला, परंतु भुजबळांनी या सर्वावर मात करत, यातून सहीसलामत बाहेर आले, असेही पवार म्हणाले.

छगन भुजबळ यांच्या या वाढदिवसाच्या अमृत महोत्सवाच्या कार्यक्रमानिमित्त आयोजित कार्यक्रमात देशातील आणि राज्यातील विविध पक्षाचे नेते उपस्थित होते. राष्ट्रवादीचे अध्यक्ष शरद पवार, महाराष्ट्राचे माजी मुख्यमंत्री उद्धव ठाकरे, केंद्रीय मंत्री रामदास आठवले, नॅशनल कॉन्फरन्सचे अध्यक्ष डॉ. फारुख अब्दुल्ला, जेष्ट लेखक-कवी डॉ. जावेद अख्तर, यांच्यासह देशभरातील अनेक नेतेमंडळी तसेच सामाजिक, राजकीय, सांस्कृतिक, कला, साहित्य यासह विविध क्षेत्रातील मान्यवर उपस्थित होते.