लाडक्या लतादीदींना अखेरचा निरोप देण्यासाठी दिग्गजांसह लाखो चाहत्यांची हजेरी..

गानसम्राज्ञी भारतरत्न लता मंगेशकर यांचे आज (6 फेब्रुवारी) निधन झाले. त्या 92 वर्षांच्या होत्या. कोरोनाचा संसर्ग झाल्याने त्यांच्यावर मुंबईतील ब्रीच कँडी रुग्णालयात उपचार सुरू होते. त्यांच्या निधनामुळे संगीतप्रेमींवर शोककळा पसरली आहे. त्यांना अखेरचा निरोप देण्यासाठी मोठ्या संख्येने चाहत्यांनी गर्दी केली होती.

स्वरसम्राज्ञी लता मंगेशकर यांचे अंतिम दर्शन घेण्यासाठी पंतप्रधान नरेंद्र मोदी यांनी आपल्या व्यस्त वेळापत्रकातून वेळ काढत मुंबईत आले होते. मंगेशकर कुटुंबियांचे सांत्वन केले व लतादीदींच्या पार्थिवावर पुष्पचक्र अर्पण केले.

लतादीदींचे पार्थिव शिवाजी पार्क येथे घेवून येतांना लष्कराचे अधिकारी

लतादीदींना अखेरचा निरोप देण्यासाठी मोठ्या संख्येने जमलेले चाहते व मान्यवर

लतादीदींना तिन्ही सेना दलांकडून मानवंदना देण्यात आली.

महाराष्ट्राचे मुख्यमंत्री उद्धव ठाकरे यांनी लतादीदींच्या पार्थिवास पुष्पचक्र अर्पण करून श्रद्धांजली वाहिली.

केंद्रीय मंत्री पियुष गोयल यांनी लता मंगेशकर यांच्या पार्थिवाचे अंत्यदर्शन घेतले. शिवाजी पार्क येथे लतादीदींच्या पार्थिवावर अंत्यसंस्कारासाठी सर्व क्षेत्रातील मान्यवरांची उपस्थिती लावली होती.

राज्याचे राज्यपाल भगतसिंह कोश्यारी यांनी लतादीदींना श्रद्धांजली वाहिली.

मंत्री अदित्य ठाकरे यांनी लतादीदींना पुष्पचक्र अर्पण करत श्रद्धांजली वाहिली.

सेनादलाचे जवान लतादीदींना अखेरची मानवंदना देतांना

लतादीदी अनंतात विलीन...