Bharat Joodo Yatra : महाराष्ट्रातील 'हे' नऊजण यात्रेत सहभागी का झाले माहितेय?

Bharat Joodo Yatra : राहूल गांधी (Rahul Gandhi) यांच्या नेतृत्वाखाली निघालेली भारत जोडो यात्रा महाराष्ट्रात पोहोचली आहे. दरम्यान, राहुल गांधींच्या नेतृत्वातील या यात्रेत महाराष्ट्रातील नऊ जण सहभागी झाले आहेत.

कन्याकुमारी ते काश्मीर पदयात्रेत ते यात्रेत असणार आहेत. त्यातील सर्वांनीच थोडक्यात आपलं मनोगत व्यक्त केलं असून आपण यात्रेत का चालतोय? वा का सहभाग का? घेतला याबाबत थोडक्यात प्रतिक्रिया दिल्या आहेत. (Bharat Jodo Yatra, Nanded Latest News)

डॉ. श्रावण रॅपनवाड (नांदेड) : बेरोजगारी, जातीयवाद वाढला आहे, तो कमी व्हावा आणि संविधान वाचवण्यासाठी मी यात्रेत चालत आहे.

नंदा म्हात्रे (रायगड) : लोकांचे ऐकूनच स्वातंत्र्याची लढाई लढली. राहुल गांधीही आता लोकांचे ऐकत आहेत. लोकांच्या आनंदासाठी ही यात्रा आहे.

महेंद्रसिंह वोहरा (नागपूर) : महागाई, भ्रष्टाचार, बेरोजगारीने कळस गाठला आहे. भावा-भावात भांडणे लावताहेत, म्हणून सरकारविरोधात यात्रेत आलो.

वैष्णवी भारद्वाज (नागपूर) : मी २३ वर्षाची आहे. या वयात देशाची संस्कृती, समस्या या पहायला, ऐकायला मिळते, ही माझ्यासाठीच मोठी संधी आहे.

पिंकी सिंग (नागपूर) : स्त्रियांवरील अत्याचार, वाढती बेरोजगारी याबाबत लोकांमध्ये जनजागृती करण्यासाठी मी भारत जोडो यात्रेत चालत आहे.

अतिषा पैठणकर (नाशिक) : देशामध्ये महिलांची सुरक्षा आणि बेरोजगारीची समस्या आहे. यातून लोकांची सुटका व्हावी, म्हणून राहुल गांधींना साथ देत आहे.

रोषणलाल निट्टू (चंद्रपूर) : देशामध्ये द्वेषभावना, जातीय आणि धार्मिक कट्टरता तसेच वाढती बेरोजगारी यामुळे समाज अस्वस्थ आहे. म्हणून मी चालतोय.

प्रेरणा गौर (चंद्रपूर) : राज्यातील १४० जणांमधून माझी निवड झाली. याचा आनंद आहे. बेरोजगारी, भ्रष्टाचार वाढला असून संविधानावरही घाला घातला आहे.

डॉ. मनोज उपाध्ये (नवी मुंबई) : राहुल गांधींची ही यात्रा भारताला जोडण्यासाठी आहे. या चांगल्या कार्यात माझाही सहभाग असावा म्हणून मी चालतोय.