सलमान खान 'टार्गेट'वर? सिद्धू मूसेवालाच्या हत्येनंतर सुरक्षा वाढवली

सिद्धू मूसेवालाच्या हत्येमागे गँगस्टर लॉरेन्स बिष्णोईचा हात
सलमान खान 'टार्गेट'वर? सिद्धू मूसेवालाच्या हत्येनंतर सुरक्षा वाढवली
Salman KhanSarkarnama

मुंबई : पंजाबमधील (Punjab) काँग्रेसचा (Congress) नेता व प्रसिद्ध गायक सिद्धू मूसेवाला (Sidhu Moose Wala) याची हत्या करण्यात आली. या हत्या प्रकरणामुळं राज्यभरात तणावाचं वातावरण निर्माण झालं आहे. सिद्धूच्या हत्येमागे गँगवॉर हेच कारण असल्याचा पोलिसांचा अंदाज आहे. या हत्येची जबाबदारी स्वीकारणाऱ्या गँगस्टर लॉरेन्स बिष्णोईला दिल्ली पोलिसांच्या विशेष शाखेनं तिहार तुरुंगातून ताब्यात घेतलं आहे. अभिनेता सलमान खानही (Salman Khan) त्याच्या हिटलिस्टवर असल्याचं मागे समोर आलं होतं. त्यामुळं सलमान खानच्या सुरक्षेत वाढ करण्यात आली आहे. (Sidhu Moose Wala News Updates)

काळविट शिकार प्रकरणात सलमान खान अडकला होता. त्यानंतर बिष्णोई याने सलमानच्या हत्येचा कट रचला होता. त्याने सलमानला मारण्याचीही धमकी दिली होती. जोधपूरमध्ये न्यायालयाच्या बाहेरच बिष्णोईने ही धमकी दिली होती. आता सिद्धू मूसेवालाच्या हत्येनंतर सलमानच्या जिवाला धोका असल्याची माहिती पोलिसांना मिळाली आहे. यामुळे सलमानच्या सुरक्षेत वाढ करण्यात आली आहे. त्याच्या खासगी सुरक्षेसह अर्धा डझन पोलीसही सलमानच्या सुरक्षेसाठी असतील. याचबरोबर त्याच्या घराबाहेरील पोलीस बंदोबस्तही वाढवण्यात आला आहे. (Salman Khan security beefed up)

Salman Khan
राजकारण तापलं! हार्दिक पटेलांना भाजप प्रवेशाआधी काँग्रेसनं पाडलं उघडं

गँगस्टर बिष्णोई दिल्लीतील तिहार कारागृहात होता. पंजाब पोलीस मला चकमकीत ठार मारतील, अशी भीती व्यक्त करीत बिष्णोईने न्यायालयात धाव घेतली होती. त्याचा ताबा पंजाब पोलिसांकडे देऊ नये, अशी मागणी त्यानं न्यायालयाकडं केली होती. या सर्व घडामोडींच्या पार्श्वभूमीवर विष्णोईच्या जिवाला धोका निर्माण होण्याची शक्यता असल्यानं दिल्ली पोलिसांनी तिहारमध्ये असलेल्या बिष्णोईची सुरक्षा वाढवली होती. त्यानेच कारागृहात बसून सिद्धूच्या हत्येचा कट रचल्याचा पोलिसांना संशय आहे. यामुळं अखेर दिल्ली पोलिसांच्या विशेष शाखेनं एका जुन्या गुन्ह्यात त्याला अटक केली आहे. न्यायालयानं त्याला पाच दिवसांची पोलीस कोठडी सुनावली आहे. सिद्धूच्या हत्येबाबत त्याच्याकडं चौकशी करण्यात येणार आहे. (Lawrence Bishnoi arrested in Sidhu Moose Wala murder case)

Salman Khan
राज्यसभा निवडणुकीत मुख्यमंत्री एकाच बाणात मारणार दोन पक्षी

बिष्णोईचा कॅनडास्थित सहकारी गोल्डी ब्रार याने या हत्येची जबाबदारी बिष्णोई गँगची असल्याचे सोशल मीडियावर म्हटलं आहे. लॉरेन्स बिष्णोई गँग आणि तो स्वत: या हत्येमागे असल्याचं गोल्डीनं म्हटलं आहे. अकाली दलाचा तरुण नेता विकी मिद्दुखेरा याच्या हत्या प्रकरणात सिद्धूचे नावही होते, असा दावाही त्यानं केला आहे. त्यानं म्हटलं आहे की, आमचा भाऊ विक्रमजितसिंग मिद्दुखेरा आणि गुरलाल ब्रार यांच्या हत्येत मूसेवालाचे नाव समोर आले होते. परंतु, पंजाब पोलिसांनी त्याच्यावर कोणतीही कारवाई केली नाही. याचबरोबर आमचा सहकारी अंकित भादू याच्या एन्काउंटरमागेही मूसेवालाचा हात असल्याचं आम्हाला समजलं होतं. मूसेवाला हा आमच्या विरोधात काम करत होता.

अकाली दलाचा तरुण नेता विक्रमजितसिंह ऊर्फ विकी मिद्दुखेरा याची मागील वर्षी 7 ऑगस्टला हत्या झाली होती. या हत्या प्रकरणात सिद्धूचा मॅनेजर शगुनप्रीतसिंग याचे नाव आले होते. त्याने कौशल गँगला सुपारी देऊन ही हत्या केल्याची चर्चा सुरू होती. यानंतर तो ऑस्ट्रेलियाला पळून गेला. या हत्येचा सूड उगवण्यासाठी सिद्धूची हत्या करण्यात आली. हा प्रकार दोन गँगमधील वादातून झाला आहे. यामागे लॉरेन्स बिष्णोई गँग असल्याचं पोलिसांचं म्हणणं आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in