बडी अभिनेत्री अडकली; खंडणीखोराकडून 52 लाखांचा घोडा अन् 9 लाखांचं मांजर गिफ्ट!

आरोपीकडून 52 लाखांचा घोडा आणि 9 लाख रुपयांचे मांजर गिफ्ट मिळाल्याने जॅकलिन सक्त वसुली संचालनालयाच्या जाळ्यात अडकली आहे.
Jacqueline Fernandez
Jacqueline FernandezSarkarnama

मुंबई : अभिनेत्री जॅकलिन फर्नांडिस (Jacqueline Fernandez) आता चांगलीच अडचणीत आली आहे. तब्बल दोनशे कोटी रुपयांच्या खंडणी प्रकरणातील आरोपीसोबत ती चुंबन घेत असलेली सेल्फी समोर आल्याने खळबळ उडाली होता. विशेष म्हणजे हा आरोपी जामिनावर बाहेर आला होता, त्यावेळची ही सेल्फी होता. आता याच आरोपीकडून 52 लाखांचा घोडा आणि 9 लाख रुपयांचे मांजर गिफ्ट मिळाल्याने जॅकलिन सक्त वसुली संचालनालयाच्या (ED) जाळ्यात अडकली आहे.

सुकेश चंद्रशेखर (Sukesh Chandrasekhar) असे या आरोपीचे नाव आहे. तब्बल दोनशे कोटींच्या खंडणी प्रकरणातील तो मुख्य सूत्रधार आहे. त्याचा आणि अभिनेत्री जॅकलिन फर्नांडिसचा एक फोटो सोशल मीडियावर व्हायरल होत आहे. हा फोटो पाहून जॅकलिन आणि सुकेशचे प्रेमसंबंध होते का, असा प्रश्न उपस्थित झाला होता. हा फोटो या वर्षी एप्रिल-जून महिन्यातील आहे. त्यावेळी सुकेश हा जामिनावर बाहेर होता. सुकेश हा जॅकलिनला चेन्नईमध्ये चार वेळा भेटला होता. या भेटींसाठी त्याने प्रायव्हेट जेटचीही व्यवस्था केली होती, असे समजते.

Jacqueline Fernandez
इस उम्र में भी चच्चा बदनाम है! भाजपच्या महिला आमदारामुळं मुख्यमंत्री अडचणीत

आता याच सुकेशने जॅकलिनला भेट म्हणून 52 लाखांचा घोडा आणि 9 लाख रुपयांची पर्शियन मांजर भेट दिल्याचे समोर आले आहे. याचबरोबर त्याने अनेकवेळा जॅकलिन महागडे दागिने भेट दिले होते. सुकेश याच्याविरोधात ईडीने आरोपपत्र दाखल केले असून, त्यात ही माहिती उघड झाली आहे. या आरोपपत्रात जॅकलिनसोबत आणखी एक अभिनेत्री नोरा फतेही हिचेही नाव आहे.

Jacqueline Fernandez
लोकप्रिय गायकाच्या काँग्रेस प्रवेशाने आमदारासह पाच नेत्यांचा पत्ता कट?

जॅकलिन फर्नांडिस या प्रकरणात सक्त वसुली संचालनालयासमोर (ईडी) 20 ऑक्टोबरला हजर झाली होती. ईडीच्या पथकाकडून तिची चौकशी करण्यात आली होती. या प्रकरणात सुकेश चंद्रशेखर मुख्य आरोपी आहे. सलग चार वेळा चौकशीला हजर होणे टाळल्यानंतर अखेर ईडीच्या दिल्ली कार्यालयात जॅकलीन हजर झाली होते. कर चुकवेगिरी प्रतिबंधक कायद्यातंर्गत जॅकलिनचा जबाब त्यावेळी नोंदवण्यात आल्याचे आला होता. जॅकलिनचे आर्थिक व्यवहार आणि सुकेश चंद्रशेखरसोबत तिची ओळख यामुळे ती ईडीच्या रडारवर आहे. सुकेश चंद्रशेखरचा जॅकलिनचा काही आर्थिक व्यवहार झाला होता का? या अंगाने ईडी तपास करत असल्याचे सूत्रांनी सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com