मंदिरं उघडण्यासाठी भाजपचा शंखनाद अन् भास्कर जाधव यांच्या मुलाचा मंदिरात पुजापाठ

आमदार नितेश राणे व माजी खासदार निलेश राणे यांनी भास्कर जाधव यांचे पुत्र विक्रांत जाधव हे मंदिरात पुजा करतानाचे फोटो वव्हिडीओ ट्विट केला आहे.
vikrant Jadhav
vikrant Jadhav

मुंबई : कोरोनाचा संसर्ग टाळण्यासाठी राज्य सरकारनं अद्याप मंदिरं खुली केलेली नाहीत. त्यावरून भाजपने सरकारवर जोरदार टीका केली आहे. तसेच मंदिरं खुली करण्यासाठी सोमवारी भाजपनं राज्यभरात शंखनाद आंदोलन केलं. या आंदोलनात भाजपचे अनेक नेते सहभागी झाले होते. एकीकडं भाजप आंदोलन करत असताना दुसरीकडं आमदार भास्कर जाधव (Bhaskar Jadhav) यांच्या मुलाचा मंदिरात पुजापाठ करतानाचा व्हिडीओ समोर आला आहे. (Nilesh and Nitesh Rane slams Thackeray Government)

आमदार नितेश राणे व माजी खासदार निलेश राणे यांनी भास्कर जाधव यांचे पुत्र विक्रांत जाधव हे मंदिरात पुजा करतानाचे फोटो व व्हिडीओ ट्विट केला आहे. विक्रांत हे रत्नागिरी जिल्हा परिषदेचे अध्यक्ष आहेत. ठाकरे सरकारचे नियम आमदार, खासदारांच्या मुलांना लागू होत नाही का? ठाकरे सरकारकडून प्रत्येक गोष्टीत उघड सत्तेचा दुरूपयोग सुरू आहे, अशी टीका निलेश राणे यांनी केली आहे. 

तर नितेश राणे यांनी जनतेसाठी मंदिर बंद आणि शिवसेना आमदार भास्कर जाधवांच्या मुलासाठी नियम नाही का, असा प्रश्न उपस्थित केला आहे. फक्त जनते मुळेच कोरोना होतो का, यांनी कुठले पुण्य केले आहेत, असे सवालही त्यांनी केले आहेत. यावरून आता वाद निर्माण होण्याची शक्यता आहे. भाजपनेही निलेश राणे यांचं ट्विट रिट्विट केलं आहे.  

चंद्रकांत पाटलांची सडकून टीका

महाविकास आघाडी सरकारला केवळ नोटांचा आणि दारु दुकानदारांचा आवाज ऐकू येतो. त्यामुळे त्यांना झोपेतून जागे करण्यासाठी भारतीय जनता पक्षाकडून शंखनाद करण्यात येत आहे, असा घणाघात भाजपचे (BJP) प्रदेशाध्यक्ष चंद्रकांत पाटील (Chandrakant patil) यांनी केला. भारतीय जनता पार्टीच्यावतीने राज्यातील मंदिरे खुली करण्यासाठी आयोजित केलेल्या शंखनाद आंदोलनात पाटील पुण्यात सहभागी झाले. मुख्यमंत्री उद्धव ठाकरेंना (Uddav Thackeray) राज्यातील मंदिर उघडण्यासाठी सदबुद्धी मिळावी, यासाठी पाटील यांनी कसबा गणपतीला साकडे घालून गणपतीची महाआरती केली.  

या आंदोलनात पुणे शहर भाजपा अध्यक्ष जगदीश मुळीक, (Jagdish Mulik) संघटन सरचिटणीस राजेश पांडे, (Rajesh Pande) आमदार मुक्ता टिळक, (Mukta Tilak) महापौर मुरलीधर मोहोळ (Murlidhar Mohol) स्थायी समिती अध्यक्ष हेमंत रासने (Hemant Rasne) सभागृह नेते गणेश बिडकर (Ganesh Bidkar), युवा मोर्चा प्रदेश सरचिटणीस सुशील मेंगडे (Sushil Mengade) यांच्यासह पक्षाचे सर्व पदाधिकारी सहभागी झाले होते.

कोरोनाच्या पहिल्या लाटेनंतर जनजीवन सुरळीत झालं, त्यानंतरही सर्व सुरु झालं, मात्र मंदिरं सुरू झाली नाहीत. त्यामुळे भारतीय जनता पक्षाला रस्त्यावर उतरुन संघर्ष करावा लागल्याचे सांगत चंद्रकांत पाटील म्हणाले की, "हिंदुहृदयसम्राट शिवसेनाप्रमुख बाळासाहेब ठाकरे यांचे चिरंजीव मुख्यमंत्री होण्याआधी मंदिरात जाऊन देवदर्शन घेण्याचे आग्रही होते. पण अल्पसंख्याकांच्या मतांसाठी धर्म न मानणाऱ्या पक्षांसोबत आघाडी केल्यानंतर मंदिरं उघडण्याला माझ प्राधान्य नाही, असं ते दाखवू लागले. आता त्यांना वारकऱ्यांचे, श्रद्धाळूंचे आवाज ऐकू येत नाहीत. त्यांना फक्त नोटांचे, नोटा देणाऱ्यांचे, दारु दुकानदारांचे आवाज ऐकू येतात."

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com