शशिकांत शिंदे यांचे मुळगाव जावली तालुक्यातील हुमगांव हे असून सध्या ते विधान परिषदेचे आमदार व राष्ट्रवादी काँग्रेसचे विधान परिषदेतील पक्ष प्रतोद आहेत. कोरेगाव तालुक्यातील ल्हासुर्णे गावी राहतात. आमदार शिंदे पदवीधर असून माथाडी कामगारांचा नेता म्हणून परिचित आहेत.
1999 मध्ये ते प्रथम जावंळीतून राष्ट्रवादीचे आमदार झाले. कोणतीही राजकीय पार्श्वभूमी नसताना त्यांनी 13 वर्षात जलसंपदा मंत्री पदापर्यंत मजल मारली. आमदार, राष्ट्रवादी काँग्रेसचे जिल्हाध्यक्ष, कोरेगाव विधानसभा मतदारसंघाचे दोन पंचवार्षिक आमदार, जलसंपदा मंत्री, त्यानंतर विधान परिषदेचे आमदार व राष्ट्रवादीचे विधान परिषदेतील पक्ष प्रतोद अशी त्यांची वाटचाल राहिलेली आहे.
राज्य माथाडी ट्रान्सपोर्ट आणि जनरल कामगार युनियनचे कार्याध्यक्ष आहेत. सातारा जिल्हा मध्यवर्ती सहकारी बॅंकेचे संचालक आहेत. बारामतीच्या धर्तीवर सातारा जिल्ह्यात राष्ट्रवादी काँग्रेस पक्षाचा जनता दरबार घेण्याची परंपरा त्यांनी सुरू केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.