पुणे : पुणे-सांगली जिल्ह्याचे जेष्ठ नेते आमदार मोहनराव कदम यांच्यासह त्यांच्या पत्नी यशोदा कदम, सुपुत्र शांताराम कदम आणि नातू दिग्विजय कदम यांचा कोरोना अहवाल पॉझिटिव्ह आल्याने जिल्ह्यात एकच खळबळ उडाली आहे.
मोहनराव कदम यांना कोणतीही लक्षणे जाणवत नाहीत तरीही त्यांचा अहवाल पॉझिटिव्ह आल्याचे त्यांच्या निकटवर्तीयांनी सांगितले. मोहनराव कदम हे कृषी राज्यमंत्री डॉ. विश्वजित कदम यांचे चुलते आहेत.
ते सांगली - सातारा स्थानिक स्वराज्य संस्था मतदारसंघाचे आमदार आहेत. यापूर्वी त्यांचे सुपुत्र डॉ. हणमंतराव कदम त्यांच्या स्नुषा सुनीता आणि नातू डॉ. जितेश कदम यांचा कोरोना अहवाल पॉझिटिव्ह आला आहे. आता त्यांच्या पत्नी यशोदा, मुलगा शांताराम, आणि नातू दिग्विजय यांचा कोरोना अहवाल पॉझिटिव्ह आला आहे. त्यांच्यावर पुण्यात उपचार सुरू आहेत.
आमदार मोहनराव कदम यांना कोरोनाची कोणतीही लक्षणे जाणवत नाहीत. तरीही त्यांचा अहवाल पॉझिटिव्ह आल्याचे निकटवर्तीयांनी सांगितले. आमदार कदम यांच्यासह त्यांच्या कुटुंबातील सर्वांवर पुण्यातील भारती हॉस्पिटलमध्ये उपचार सुरू आहेत, असे त्यांच्या नातेवाईकांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.