पिंपरी चिंचवडकरांचे स्वप्न साकार; मेट्रो आता निगडीपर्यंत धावणार

पिंपरीपर्यंतच्या मेट्रोने पिंपरी चिंचवड शहराचा निम्मा भाग सुद्धा कव्हर होत नव्हता. त्यामुळे पिंपरी पालिकेने व सर्वच राजकीय पक्ष, संस्था, संघटनांनी ती शहराच्या दुसऱ्या टोकापर्यंत म्हणजे निगडीपर्यंत नेण्याची मागणी केली होती.
Pimpri Chinchwadkar's dream come true; Metro will now run up to Nigdi
Pimpri Chinchwadkar's dream come true; Metro will now run up to Nigdi

पिंपरी : पिंपरी ते निगडी मेट्रो विस्ताराला आज राज्य मंत्रीमंडळाने मंजुरी दिल्याने पिंपरी चिंचवडकरांचे पूर्ण मेट्रोचे स्वप्न पहिल्याच टप्प्यात साकार होणार आहे. यामुळे स्वारगेट ते पिंपरी मेट्रो आता आणखी पुढे साडेचार किलोमीटर धावणार आहे. 

दरम्यान, पिंपरी-निगडीनंतर नाशिकफाटा ते चाकण अशा मेट्रोचीही मागणी पुढे आली आहे. त्यामुळे पुन्हा एकदा या प्रकल्पाचा डीपीआर बदलण्याचे काम सुरु झाले आहे. नंतर तो केंद्र व राज्य सरकारकडे मंजुरीसाठी पाठवला जाईल.मात्र,हा मार्ग दुसऱ्या टप्यात होण्याची शक्यता आहे.या मार्गावर निओ मेट्रोसारखी लाईट मेट्रो चालवण्याचा विचार सुरू आहे. 

पिंपरीपर्यंतच्या मेट्रोने पिंपरी चिंचवड शहराचा निम्मा भाग सुद्धा कव्हर होत नव्हता. त्यामुळे पिंपरी पालिकेने व सर्वच राजकीय पक्ष, संस्था, संघटनांनी ती शहराच्या दुसऱ्या टोकापर्यंत म्हणजे निगडीपर्यंत नेण्याची मागणी केली होती. एवढेच नाही, तर त्याचा खर्च उचलण्याची तयारी पालिकेने दाखवली होती. त्यामुळे या मेट्रोचे काम करणाऱ्या महाराष्ट्र मेट्रो रेल कॉर्पोरेशनने डीपीआरमध्ये केंद्र सरकारच्या सुचनेनुसार बदल करून तो मान्यतेसाठी राज्य सरकारकडे पाठवला होता. त्याला आज मंजुरी देण्यात आली.
 
या अतिरिक्त मार्गिकेसाठी ९४६ कोटी ७३ लाख एवढा खर्च येणार आहे.त्यात राज्य शासनाचा एकूण ७९ कोटी ४ लाख तसेच ९० कोटी ६३ लाख रुपये परतफेड करावयाचे दुय्यम कर्ज असे एकूण १७० कोटी ३ लाख असा सहभाग असेल. तर, एकूण खर्चाच्या दहा टक्के केंद्र सरकार खर्च करणार आहे. कर्जाच्या स्वरुपात देखील निधी उभारण्यात येणार आहे.या मार्गिकेची
लांबी ४.४१ कि.मी. इतकी असून यात ३ स्थानके आहेत. निगडी ते स्वारगेट मार्गावर २०२३ मध्ये ४.९५ लाख प्रवाशांची दैनंदिन वाहतूक होईल असा अंदाज आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com