शिवसेनेतच शिकलोय, तुम्ही सांभाळा ! नारायण राणेंनी साधला संजय राऊतांवर निषाणा - We have learned only in Shiv Sena, you take care! Narayan Rane targeted Sanjay Raut | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

शिवसेनेतच शिकलोय, तुम्ही सांभाळा ! नारायण राणेंनी साधला संजय राऊतांवर निषाणा

सरकारनामा ब्युरो
शनिवार, 19 जून 2021

धमकीची भाषा काय करता, ज्यांनी कुणाच्या कानशिलात लगावली नाही, त्यांच्या तोंडी ही भाषा शोभत नाही. आता स्वतःला सांभाळा.

मुंबई : मी शिवसेनेत (Shivsena) शिकलोय. तुम्ही दिलेली थाळी व्हेज होती, नाॅनव्हेज कशी द्यायची हे आम्हाला चांगलंच माहिती आहे. त्यामुळे सांभाळा, अशा इशारा ज्येष्ठ नेते नारायण राणे यांनी शिवसेनेचे नेते संजय राऊत यांना दिला. (We have learned only in Shiv Sena, you take care! Narayan Rane targeted Sanjay Raut)

भाजप व शिवसेना कार्यकर्त्यांत झालेल्या राड्याबाबत राणे यांनी त्यांच्या निवासस्थानी पत्रकार परिषदेत राऊत यांच्यावर टीका केली.

राणे म्हणाले, की धमकीची भाषा काय करता, ज्यांनी कुणाच्या कानशिलात लगावली नाही, त्यांच्या तोंडी ही भाषा शोभत नाही. आता स्वतःला सांभाळा, असा इशारा राणे यांनी दिला. 

राणे म्हणाले, की राणे जेव्हा मैदानात उतरतात, तेव्हा पळणाऱ्यांना पळून जाण्याची संधी देत नाहीत. महिलांवर ज्यांनी हात उचलले त्यांची नावं आमच्याकडे आली आहेत. त्यांना पाहून घेऊ. या लोकांना शिवथाळी दिल्याशिवाय स्वस्थ झोपणार नाही, असा इशारा नारायण राणे यांनी दिला.

तुमचं योगदान तरी काय

संजय राऊत यांना शिवसेना भवनचा इतिहास माहिती आहे का, असा असा प्रश्न करून राणे म्हणाले, की माझ्या सारख्या शिवसेना कार्यकर्त्याने वर्गणी दिली आणि वर्गणीही जमवून दिली. तेव्हा शिवसेना भवन उभे राहिले आहे. तुमचं योगदान तरी काय? तुम्ही नोकरीला आला. तुम्ही कधी शिवसैनिक आणि नेता झालात हे सांगणार नाही. तुम्ही शिवसेना वाढवण्यासाठी काय केलं? असा सवालही नारायण राणे यांनी केला.

केंद्रीय मंत्रिमंडळ विस्तारात कोणाला संधी मिळेल का? याबाबत बोलताना त्यांनी याबद्दल फारसं बोलणं टाळलं. मंत्रिमंडळ विस्ताराबद्दल केंद्रातील भाजपचे नेते निर्णय घ्यायला सक्षम आहेत, अशी प्रतिक्रिया त्यांनी दिली.

 

हेही वाचा..

भाजपचे ओळखपत्र दाखवा अन...

 

 

 

 

 

Edited By - Murlidhar Karale

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख