संजय राऊत यांनी सांगितले खासगी जीवनातील रहस्य

राऊत यांनीमहाविकास आघाडीचेसरकार, सुशांतसिंह राजपूत आत्महत्या प्रकरण, कंगना रानौत, भाजप आणि कोरोना संसर्गासंदर्भात मनमोकळी चर्चा केली.
raut.png
raut.png

मुंबई : बाळासाहेबांनी मला 28 व्या वर्षी संपादक बनवलं. मी खूप कमी वयात संपादक झालो. त्यामुळे माझं कोणतंही खासगी आयुष्य नाही, असे शिवसेनेचे खासदार संजय राऊत यांनी एका मुलाखतीत सांगून आपल्या खासगी जीवनाचे रहस्य उघड केले.

राऊत यांनी महाविकास आघाडीचे सरकार, सुशांतसिंह राजपूत आत्महत्या प्रकरण, कंगना रानौत, भाजप आणि कोरोना संसर्गासंदर्भात मनमोकळी चर्चा केली. 

राऊत म्हणतात, ‘`मी खूप कमी वयात संपादक झालो. त्यामुळे माझं पर्सनल आयुष्य तिथेच संपलं. मी पूर्ण वेळ माझ्या कामाला देतो. बाळासाहेबांसोबत काम करणं, ही माझ्यासाठी सगळ्यात मोठी गोष्ट आहे. मी पूर्ण आयुष्य त्यांच्यासोबत लावलं आहे. बाळासाहेबांनी मला वयाच्या 28 व्या वर्षी सामनाचा संपादक बनवलं.`’

बाळासाहेबांसोबत काम करणं, त्यांच्या विचारांना पुढे नेणं, हे त्यावेळी खूप महत्त्वाचं होतं. भूमिपुत्रांना न्याय मिळावा, यासाठी त्यांनी कायम प्रयत्न केले. प्रत्येक राज्यातील नागरिकांना सगळ्यात आधी रोजगाराचा हक्क मिळाला पाहिजे, असं त्यांचं मत होतं. मराठी माणसासाठी महाराष्ट्र आहे. देश एक असला, तरी प्रत्येक राज्याची वेगळी संस्कृती आहे. यासाठी लढलं पाहिजे, असे बाळासाहेबांचे मत असायचे, असे राऊत यांनी सांगून त्या आठवणींना उजाळा दिला.

दरम्यान, राऊत यांनी विविध मुद्द्यांना स्पर्ष करीत आपले मत व्यक्त केले. राज्यात घडलेल्या विविध प्रकरणांबाबत त्यांनी स्पष्ट भूमिका घेत वक्तव्य केले. काम कोणतेही असो, ते सचोटीने आणि पूर्ण क्षमतेने करण्यातच यश अवलंबून असते, हे त्यांच्या बोलण्यावरून स्पष्ट झाले. शिवसेनेशी एकनिष्ट राहत त्यांनी पक्षाचे मुखपत्र यशस्वीपणे चालविले. खासदार झाल्यानंतर त्यांनी केलेल्या कामांचा लेखाजोखा अप्रत्यक्षपणे मांडत शिवसेनेसाठीच आपले जीवन असल्याचे त्यांनी वारंवार स्पष्ट केले. शिवसेनाप्रमुखांविषयी असलेला आदरभार, असलेली आस्था त्यांच्या बोलण्यातून जाणवली.

Edited By - Murlidhar Karale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com