जळगाव : जळगाव जिल्हयातील यावल येथील पालिकेचे मुख्याधिकारी बबन गंभीर तडवी यांना रस्ता काँक्रीटीकरण कामाची वर्कऑर्डर मिळण्यासाठी ठेकेदाराकडून २८ हजार रुपये लाच स्विकारतांना लाचलूचपत प्रतिबंधक विभागाने रंगेहाथ पकडले. ही घटना शुक्रवारी (ता.३०) दुपारी एकच्या सुमारास घडली आहे. Yaval Municipal Corporation chief caught taking bribe of Rs 28,000
यावल येथील पालिकेमार्फत शहरात वाणी गल्लीत रस्ता काँक्रीटीकरण कामाची वर्कऑर्डर मिळण्यासाठी व साठवण तलावाच्या देयकापोटी जळगाव येथील ठेकेदारास मुख्याधिकारी बबन तडवी याने साडेसात लाखाची लाच मागितली होती. दरम्यान, यातील २८ हजार रुपयांचा पहिल्या हप्त्याची लाच आज देण्याचे ठरले होते. Yaval Municipal Corporation chief caught taking bribe of Rs 28,000
त्यानुसार मुख्याधिकारी बबन तडवी यांच्या दालनात संबंधित ठेकेदाराकहून २८ हजार रुपयांची लाच घेतांना लाचलूचपत प्रतिबंधक विभागाच्या पथकाने श्री. तडवी यांना रंगेहाथ पकडले. मुख्याधिकारी बबन तडवी हे १० ऑगष्ट २०१९ला येथे रुजू झाल्यापासून ते वादातीत होते.
पालिकेचे बांधकाम विभागाचे कनिष्ठ अभियंता सईद शेख यांना निलंबित न करण्यासाठी, सेवानिवृत्त कर्मचारी अशोक चव्हाण यांच्या पगारी रजा कालावधीचा पगार देण्यासाठी पैशांची मागणी, कोरोना काळात पालिकेचे कर्मचारी सूर्यकांत पाटील यांचे निधन झाले होते. शासनाकडून त्यांच्या निधनाचा प्रस्ताव जिल्हाधिकारी कार्यालयात पाठविण्यासाठी देखील पैशांची मागणी, तसेच प्रत्येक लहान मोठया ठेकेदारांकडून मुख्याधिकारी पैशांची मागणी करीत असल्याचा आरोप आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.